రౌడీ హీరో విజయ్ దేవరకొండ, నేషనల్ క్రష్ రష్మిక మందన్న కాంబినేషన్లో వస్తున్న మోస్ట్ యాంటిసిపేటెడ్ పీరియడ్ యాక్షన్ డ్రామా 'రణబాలి'. ఈ క్రేజీ ప్రాజెక్ట్ నుంచి తాజాగా ఒక ఆసక్తికరమైన అప్‌డేట్ బయటకు వచ్చింది. ఈ చిత్రంలో 'జయమ్మ' అనే కీలక పాత్రలో నటిస్తున్న రష్మిక మందన్న తన భాగానికి సంబంధించిన చిత్రీకరణను విజయవంతంగా పూర్తి చేసుకున్నారు.

షూటింగ్ ప్యాకప్ సందర్భంగా చిత్ర యూనిట్ సెట్స్‌లో రష్మికకు గ్రాండ్‌గా వీడ్కోలు పలికింది. ఈ క్రమంలో విడుదల చేసిన ప్రత్యేక వీడియోలో రష్మిక జయమ్మ గెటప్‌లో 'బేబీ బంప్' (గర్భిణి) రూపంలో కనిపిస్తూ అందరి దృష్టిని ఆకర్షించారు. విజయ్ దేవరకొండ, దర్శకుడు రాహుల్ సంకృత్యాన్‌లను కౌగిలించుకుని రష్మిక ఎమోషనల్ అయిన దృశ్యాలు ప్రస్తుతం సోషల్ మీడియాలో విపరీతంగా వైరల్ అవుతున్నాయి.

సినిమా కథలో జయమ్మ పాత్ర ఎంతటి ప్రాధాన్యత కలిగి ఉందో ఈ గర్భవతి లుక్ స్పష్టం చేస్తోంది. కథను మలుపు తిప్పే అత్యంత డ్రామాటిక్ ఎమోషనల్ సీన్స్‌లో రష్మిక తన నటనతో మెప్పించబోతున్నట్లు తెలుస్తోంది. ఈ లుక్ బయటకు రావడంతో అభిమానుల్లో చిత్రంపై ఉన్న అంచనాలు ఒక్కసారిగా రెట్టింపయ్యాయి.

గతంలో 'గీత గోవిందం', 'డియర్ కామ్రేడ్' వంటి సూపర్ హిట్ చిత్రాల తర్వాత విజయ్ దేవరకొండ, రష్మిక జంటగా నటిస్తున్న మూడో చిత్రం ఇది కావడం విశేషం. ‘శ్యామ్ సింగ రాయ్’ చిత్రంతో ప్రశంసలు అందుకున్న దర్శకుడు రాహుల్ సంకృత్యాన్ 19వ శతాబ్దపు బ్రిటీష్ ఇండియా కాలం నాటి యదార్థ సంఘటనల ఆధారంగా ఈ పీరియడ్ విజువల్ వండర్‌ను అత్యంత భారీ స్థాయిలో తెరకెక్కిస్తున్నారు.

ఈ ప్రతిష్టాత్మక చిత్రాన్ని మైత్రీ మూవీ మేకర్స్, టీ-సిరీస్ సంస్థలు సంయుక్తంగా నిర్మిస్తున్నాయి. హాలీవుడ్ ప్రముఖ నటుడు ఆర్నాల్డ్ వోస్లూ (ది మమ్మీ ఫేమ్) ఒక పవర్‌ఫుల్ పాత్రలో నటిస్తుండగా, అజయ్-అతుల్ ద్వయం సంగీతాన్ని అందిస్తున్నారు. ఇటీవలే విడుదలైన టీజర్‌కు యూట్యూబ్‌లో అద్భుతమైన స్పందన లభించింది.

ఈ షూటింగ్ ప్యాకప్ వీడియో నెట్టింట హల్‌చల్ చేయడంతో రౌడీ ఫ్యాన్స్ మరియు రష్మిక అభిమానులు కామెంట్లతో సోషల్ మీడియాను హోరెత్తిస్తున్నారు. జయమ్మ పాత్ర సినిమాకే ప్రధాన ఆకర్షణగా నిలవబోతోందని ఫ్యాన్స్ ధీమా వ్యక్తం చేస్తున్నారు.

ప్రస్తుతం చివరిదశ పోస్ట్ ప్రొడక్షన్ పనులు వేగంగా జరుపుకుంటున్న 'రణబాలి' చిత్రాన్ని దసరా కానుకగా అక్టోబర్ 16న ప్రపంచవ్యాప్తంగా గ్రాండ్‌గా విడుదల చేసేందుకు నిర్మాతలు సన్నాహాలు చేస్తున్నారు. త్వరలోనే ఈ చిత్రం నుండి 'ఏందయ్యా సామీ' అనే మరో క్రేజీ సాంగ్ ప్రేక్షకు ముందుకు రానుంది.

 

 

[Rashmika Mandanna, Vijay Deverakonda, Ranabaali Movie Update, Rashmika Baby Bump Look, Rahul Sankrityan]