యాంకర్ లాస్య.. అందరికి తెలిసిన సెలబ్రిటీ. ఒకప్పుడు అన్ని ఛానెల్స్ కి మోస్ట్ ఛాయిస్ లాస్య అని చెప్పొచ్చు. ఇక యాంకర్ రవి, లాస్య కాంబినేషన్ షో అంటే ప్రత్యేకంగా చెప్పనక్కర్లేదు. ఆ కాంబినేషన్ ఎంత హిట్ అనేది అందరికి తెలిసిందే. సంథింగ్ స్పెషల్ షోకి అప్పట్లో ఎంత క్రేజ్ ఉండేదో తెలిసిందే. కొంతకాలం పాటు బుల్లి తెరకు దూరంగా ఉన్న లాస్య బిగ్ బాస్ సీజన్ -4 లో ఎంట్రీతో ఫామ్ లోకి వచ్చింది.

బిగ్ బాస్ హౌస్ లో ఉన్నన్ని రోజులు వంట చేస్తూ అందరి కడుపునింపిన లాస్య.. టైటిల్ గెలవకపోయిన చివరికి వంటలక్కగా బయటకొచ్చింది. లాస్య తను షోస్ చేస్తున్నప్పుడు ఏనుగు, చీమ జోక్ లు చెప్తూ ఫ్యాన్స్ ని సంపాదించుకుంది. అయితే లాస్య, రవి మధ్య ఏదో రిలేషన్ ఉందని అప్పట్లో పుకార్లు రావడంతో తను టీవీ రంగానికి దూరమైందని అనుకున్నారు. కానీ అదేదీ కాదని వాళ్ళిద్దరి మధ్య చిన్న గొడవ జరిగిందని, రవి తన తప్పు తెలుసుకొని సారీ కూడా చెప్పాడని లాస్య ఒక ప్రోగ్రామ్ లో చెప్పింది. ఆ తర్వాత మంజునాథ్ ని పెళ్ళిచేసుకొని కొన్ని సంవత్సరాల పాటుగా బుల్లితెరకు దూరమైంది లాస్య. 

లాస్య-మంజునాథ్ కి ఇద్దరు అబ్బాయిలు.. అయితే మళ్ళీ టీవి రంగంలోకి రావడానికి గతకొంతకాలంగా డైట్ ఫాలో అవుతుందంట. ఆ విషయాన్ని తన యూట్యూబ్ ఛానెల్ లో ఓ వ్లాగ్ ని షేర్ చేసింది. ఇక ఆ డైట్ పూర్తయిందని వివరిస్తుంది లాస్య. ‌తన డైట్ చాలా కష్టంగా ఉండేదని.. రోజు ఫ్రూట్స్, సలాడ్స్, లిమిటెడ్ రైస్, చపాతీ, ఉడకబెట్టిన గింజలు లాంటివి తిని వ్యాయామం చేసేదానిని అంటూ చెప్పుకొచ్చింది. గుమ్మడి గింజలు, సొరకాయ ముక్కలు, బాదం, పాలకూర, పిస్తా, వాల్ నట్ సీడ్స్ అన్నీ మిక్స్ చేసి అదే ఇప్పుడు తినాలని , నాలుగు రోజులు రెగ్యులర్ డైట్, మూడు రోజులు మెంటెనెన్స్ డైట్ చేస్తున్నానని లాస్య అంది. తన మెంటెనెన్స్ డైట్ గురించి మొత్తం ఈ వ్లాగ్ లో షేర్ చేసింది. ఒకప్పుడు టీవీరంగంలో యాంకర్ గా రాణించిన ఈ లాస్య తన కమ్ బ్యాక్ కోసం ఎదురుచూస్తోంది. ప్రస్తుతం యూట్యూబ్ లో లాస్య చేసిన ఈ వ్లాగ్ ట్రెండింగ్ లో ఉంది.