కోలీవుడ్ స్టార్ హీరో దళపతి విజయ్ తన అభిమానులకు అనుకోని షాకిచ్చారు. అసలు ఆయన ఇలాంటి పని చేస్తారని ఆయన ఫ్యాన్స్ అస్సలు ఊహించలేదు. అసలు వారు అంత కంగు తినేలా విజయ్ ఏం చేశారనే వివరాల్లోకి వెళితే.. ఈ తమిళ స్టార్ హీరో త్వరలోనే పాలిటిక్స్ లోకి ఎంట్రీ ఇస్తారంటూ ఈ మధ్య వార్తలు వినిపించాయి. అయితే ఆలోపలే ఆయన తన నట వారసుడిగా కొడుకు జాసన్ సంజయ్ విజయ్ ను పరియం చేస్తారంటూ న్యూస్ నెట్టింట వైరల్ అయ్యింది. అప్పటికే ఆయన కొడుకు ఫిల్మ్ కోర్సు చేస్తుండటంతో ఈ వార్తలకు మరింత బలం చేకూరింది. ఫ్యాన్స్ జాసన్ సంజయ్ విజయ్ సినీ ఎంట్రీ ఎప్పుడెప్పుడు ఉంటుందా? అని ఆసక్తిగా ఎదురు చూశారు. కానీ విజయ్ మాత్రం తన కొడుకుని హీరోగా పరిచయం చేయటం లేదు. ఆ విషయం అధికారికంగా కన్ ఫర్మ్ అయ్యింది. ఇది నిజంగా అభిమానులకు నిరాశను కలిగించే విషయమనే చెప్పాలి.

మరి జాసన్ విజయ్ ఏం చేయబోతున్నారో తెలుసా!.డైరెక్షన్. సినిమా కూడా ఫిక్స్ అయ్యింది. ప్రకటన కూడా వచ్చేసింది. కోలీవుడ్ లో అగ్ర నిర్మాణ సంస్థ లైకా ప్రొడక్షన్స్ జాసన్ విజయ్ తో సినిమాను నిర్మించబోతున్నారు. స్క్రిప్ట్ ఫైనలైజ్ అయ్యింది. ప్రస్తుతం నటీనటులు, సాంకేతిక నిపుణులకు సంబంధించిన ఎవరినీ తీసుకోవాలనే దానిపై చర్చలు జరుగుతున్నాయట. త్వరలోనే దానికి సంబంధించిన ప్రకటన కూడా వచ్చే అవకాశం ఉంది. తమ అభిమాన హీరో కొడుకు హీరో అవుతాడనుకుంటే ఇలా డైరెక్టర్ కావటం అనేది ఆయన అభిమానులు డీలా పడే విషయమనే చెప్పాలి.

జాసన్ సంజయ్ విజయ్ టోరంటో ఫిల్మ్ స్కూల్ నుంచి ప్రొడక్షన్ డిప్లొమా (2018 -2020)ను కంప్లీట్ చేశారు. అలాగే లండన్ లో స్క్రీన్ రైటింగ్ లో (రెండేళ్లు ఫాస్ట్ ట్రాకింగ్ కోర్స్) బి.ఎ. హానర్స్ (2020-2022)ను కంప్లీట్ చేశారు.