మాజీ భారత ప్రధాని పి.వి. నరసింహారావుకి ఇటీవల దేశ అత్యున్నత పురస్కారం 'భారతరత్న' ప్రకటించిన సంగతి తెలిసిందే. 1991 నుంచి 1996 వరకు ప్రధానిగా పనిచేసిన ఆయన.. భారతదేశ ఆర్థిక ముఖచిత్రాన్ని మార్చిన వ్యక్తిగా ఘనతను సొంతం చేసుకున్నారు. దేశానికి పి.వి. నరసింహారావు అందించిన విశేష సేవలకుగానూ ఇటీవల భారత ప్రభుత్వం ఆయనకు దేశంలోనే అత్యున్నతమైన పౌర పురస్కారం ‘భారతరత్న’ను ప్రకటించింది. 

మాజీ ప్రధాని పి.వి. నరసింహారావు గొప్పతనాన్ని ఈ తరానికి తెలియజేసేలా ఆయన బయోపిక్ రాబోతుంది. ఆహా స్టూడియో, అప్లాజ్ ఎంటర్‌టైన్‌మెంట్ కలిసి పి.వి.నరసింహారావు బయోపిక్‌ 'హాఫ్ లయన్'ను రూపొందిస్తున్నట్లు  ప్రకటించారు. ప్రముఖ  రచయిత వినయ్ సీతాపతి రచించిన 'హాఫ్ లయన్' పుస్తకం ఆధారంగా, జాతీయ అవార్డు గెలుచుకున్న  ప్రకాష్ ఝా ఈ సిరీస్‌కు రూపోందిస్తున్నారు. ప్రస్తుతం ఈ పాన్ ఇండియన్ సిరీస్ ప్రీ ప్రొడక్షన్ పనులు శరవేగంగా జరుగుతున్నాయి. హిందీ, తెలుగు, తమిళ భాషల్లో ఈ సిరీస్‌ను విడుదల చేయబోతున్నారు.