కోలీవుడ్ స్టార్ సూర్య, మమితా బైజు జంటగా వెంకీ అట్లూరి దర్శకత్వంలో తెరకెక్కిన మూవీ 'విశ్వనాథ్ & సన్స్'. సితార ఎంటర్‌టైన్‌మెంట్స్ నిర్మించిన ఈ రొమాంటిక్ ఫ్యామిలీ డ్రామా నేడు(ఆగష్టు 14) థియేటర్లలోకి వచ్చింది. 

వింటేజ్ సూర్యను స్క్రీన్ పై చూడటం కోసం ఫ్యాన్స్ ఎన్నో రోజుల నుంచి ఎదురుచూస్తున్న 'విశ్వనాథ్ & సన్స్' మార్నింగ్ షోలు పూర్తి చేసుకుని, ప్రస్తుతం సోషల్ మీడియాలో విపరీతమైన పాజిటివ్ టాక్‌తో ట్రెండ్ అవుతోంది. సినిమా చూసిన ప్రతి ఒక్కరూ చెబుతున్న ఒకే ఒక్క మాట.. "ఇదొక హార్ట్ టచింగ్ ఫ్యామిలీ ఎంటర్‌టైనర్".

ఫస్ట్ హాఫ్ విషయానికి వస్తే.. సినిమా ప్రారంభంలో ఒక 20 నిమిషాలు కాస్త నిమ్మదిగా సాగినప్పటికీ, కథలోకి వెళ్లేకొద్దీ వేగం పుంజుకుంటుంది. న్యాచురల్ ఫన్, బ్యూటిఫుల్ ఫ్యామిలీ ఎమోషన్స్ తో ఫస్ట్ హాఫ్ హాయిగా సాగిపోతుంది. ముఖ్యంగా హీరో సంజయ్ విశ్వనాథ్‌గా సూర్య క్యారెక్టరైజేషన్, అతని బాడీ లాంగ్వేజ్ టాప్ నాచ్ ఉన్నాయి. 'గజినీ'లో సంజయ్ రామస్వామిని చూసినట్లే.. మళ్లీ సూర్యలోని ఆ మేజిక్ అండ్ చార్మ్ ఈ సినిమాలో క్లియర్‌గా కనిపిస్తుందని ఆడియన్స్ ప్రశంసిస్తున్నారు.

ఇక సినిమాలో మరో బిగ్గెస్ట్ హైలైట్ మమితా బైజు. తన ఎనర్జీ, ఫ్రెష్ లుక్స్, సూర్యతో ఆమె కెమిస్ట్రీ స్క్రీన్ మీద చాలా బ్యూటిఫుల్‌గా వర్కవుట్ అయ్యాయి. సూర్య, రాధికా శరత్‌కుమార్, మమితా బైజు మధ్య వచ్చే ఫ్యామిలీ సీన్స్ అండ్ కామెడీ డ్రామా ప్రేక్షకులను బాగా అలరిస్తున్నాయి. ఫస్ట్ హాఫ్‌లో వచ్చే హాస్పిటల్ సీక్వెన్స్, ట్రిప్ కామెడీ, హోటల్ ఫైట్ సీన్ థియేటర్లలో మంచి రెస్పాన్స్ తెచ్చుకున్నాయి. ఇంటర్వెల్‌కి ముందు వచ్చే రెట్రో ట్రాక్ అయితే ప్రేక్షకులను నెక్స్ట్ లెవల్‌కి తీసుకెళ్తుంది.

ఇక అసలు సిసలైన మ్యాజిక్ దాగుంది సెకండ్ హాఫ్‌లోనే. వెంకీ అట్లూరి మార్క్ ఫ్యామిలీ సెంటిమెంట్ అండ్ డ్రామా సెకండ్ హాఫ్‌ను నడిపించాయి. మనకు గతంలో వచ్చిన 'అల వైకుంఠపురములో', 'అత్తారింటికి దారేది', 'బొమ్మరిల్లు', 'మిస్టర్ పర్‌ఫెక్ట్' లాంటి క్లాసిక్ ఫ్యామిలీ డ్రామాలలో ఉన్న ఎమోషనల్ డెప్త్ ఈ సినిమాలో మళ్లీ కనిపిస్తుందని నెటిజన్లు కామెంట్స్ చేస్తున్నారు. ఒక మాజీ ఒలింపిక్ షూటర్ అయిన సూర్య జీవితంలోకి అనుకోకుండా ఒక సర్రోగేట్ మదర్ వచ్చినప్పుడు, ఆ పసిపాప ఆరోగ్యం చుట్టూ తిరిగే ఎమోషనల్ డ్రామా ప్రతి ఒక్కరి హృదయాలను హత్తుకుంటుంది.

'లక్కీ భాస్కర్' విజయం తర్వాత డైరెక్టర్ వెంకీ అట్లూరి ఎమోషనల్ డ్రామాలను ఎంత పర్‌ఫెక్ట్‌గా హ్యాండిల్ చేయగలరో మళ్లీ నిరూపించారు. ఆయన రాసిన మాటలు, స్క్రీన్‌ప్లే సినిమాకి బిగ్గెస్ట్ ప్లస్ పాయింట్‌గా నిలిచాయి.

ఇక సినిమా క్లైమాక్స్ గురించి ప్రత్యేకంగా చెప్పుకోవాలి. ఇటీవల కాలంలో వచ్చిన సినిమాల్లో వన్ ఆఫ్ ది మోస్ట్ సాటిస్‌ఫైయింగ్ అండ్ ఎమోషనల్ ఎండింగ్స్ లో ఇది ఒకటిగా నిలుస్తుందని ఆడియన్స్ ఫిక్స్ అయిపోయారు. థియేటర్ నుంచి బయటకి వచ్చేటప్పుడు ప్రేక్షకుడి కళ్లలో నీళ్లు తిరగడం ఖాయం.

ట్విట్టర్ టాక్ ప్రకారం.. పర్ఫెక్ట్ క్లీన్ ఫ్యామిలీ ఎంటర్‌టైనర్ చూడాలనుకునేవారికి 'విశ్వనాథ్ & సన్స్' బెస్ట్ ఛాయిస్.

Vishwanath and Sons Review, Suriya, Mamitha Baiju, Venky Atluri