సుమారు ఎనిమిది సంవత్సరాల లాంగ్ గ్యాప్ తర్వాత మెగాస్టార్ చిరంజీవి నటిస్తున్న సినిమా ఖైదీ నెం.150. చిరు రీ ఎంట్రీ, మెగాస్టార్ 150వ సినిమా కావడంతో ఇప్పటికే దీనిపై హై ఎక్స్పెక్టేషన్స్ ఉన్నాయి. అలాగే మెగా హీరోలంతా ఈ సినిమాలో నటిస్తున్నారని లేదు లేదు చరణ్ ఒక్కడే తళుక్కున మెరవబోతున్నట్లు వార్తలు వచ్చాయి. కానీ ఇప్పుడు చెర్రీ ఈ సినిమాలో కీ రోల్ చేస్తున్నట్లు టాలీవుడ్ టాక్. దీనికి మరో కారణం కూడా ఉంది..గతంలో రామ్ చరణ్ నటించిన మగధీర, బ్రూస్లీల్లో చిరు కామియో అప్పిరెన్స్ ఆయా సినిమాలకు బాగా ప్లస్ అయ్యింది. దీంతో ఆ రుణం తీర్చుకునే ఉద్దేశ్యంతోనే ఖైదీ.నెం.150లో గెస్ట్ అప్పిరెన్స్ ఇవ్వాలని చరణ్ డిసైడ్ అయినట్లు తెలుస్తోంది. అలాగే ఏ నటుడికైనా 150వ సినిమా అనేది ఒక మైలురాయి..అలాంటిది చిరంజీవి లాంటి గొప్పనటుడి సినిమా అయితే..దానిలో నటించే ఛాన్స్ వస్తే అంతకంటే అదృష్టం ఏముంటుంది. వీటన్నింటిని దృష్టిలో ఉంచుకున్న చెర్రీ 150లో గెస్ట్ రోల్ చేయడానికి గ్రీన్ సిగ్నల్ ఇచ్చినట్లు టాలీవుడ్ టాక్.
