మెగాస్టార్ చిరంజీవి,, విక్టరీ వెంకటేష్.. తెలుగు సినిమా బాక్స్ ఆఫీస్ ని కళకళలాడించడమే లక్ష్యంగా దూసుకుపోతున్నారు. గత సంక్రాంతికి  ఇద్దరు కలిసి  మన శంకర వరప్రసాద్ గారుతో  2026 సంక్రాంతి విన్నర్ గా నిలిచారు. ఇప్పుడు 2027 సంక్రాంతికి విడివిడిగా  నువ్వా నేనా అంటూ బరిలోకి దిగబోతుండటం ప్రాధాన్యత సంతరించుకోనుంది.

కొద్దిసేపటి క్రితం చిరు బర్త్ డే సందర్భంగా మెగా 158 టైటిల్ గ్లింప్స్ రిలీజయ్యింది. టైటిల్  'కాకా' కాగా 2027 జనవరి 13న రిలీజ్ చేయబోతున్నట్టు ప్రకటించారు. నందమూరి కళ్యాణ్ రామ్ తో కలిసి వెంకటేష్ చేస్తున్న 'జనవరి 12 విడుదల' అనే మూవీ అదే రోజు  రిలీజ్ అవుతుంది.కేవలం 24 గంటల వ్యవధిలోనే ఇద్దరు సీనియర్ స్టార్ హీరోలు తమ సినిమాలతో థియేటర్లను ముంచెత్తడానికి సిద్ధపడటం ఇప్పుడు సినీ విశ్లేషకుల్లోనూ, సగటు అభిమానుల్లోనూ ఆసక్తికరమైన చర్చకు తెరలేపింది. చిరంజీవి మాస్ ఎనర్జీ, వెంకటేష్ ఫ్యామిలీ ఎంటర్‌టైన్‌మెంట్ రెండూ కూడా సంక్రాంతి పండుగ వాతావరణానికి సరిగ్గా సరిపోయే అంశాలు. 100 శాతానికి పైగా ఆక్యుపెన్సీ ఆశించే ఈ పండుగ సీజన్‌లో ఏ సినిమా ఏ మేరకు థియేటర్లను కైవసం చేసుకుంటుందోనని పరిశ్రమ వ్యాపార వర్గాలు లెక్కలు వేస్తున్నాయి.

 గతం పరిశీలిస్తే, 1990లు మరియు 2000ల కాలంలో చిరంజీవి, వెంకటేష్ చిత్రాలు సంక్రాంతికి ఎదురెదురుగా వచ్చి బాక్సాఫీస్ వద్ద 50 కోట్ల నుండి 100 కోట్ల క్లబ్‌లతో సరికొత్త రికార్డులను సృష్టించిన సంఘటనలు చాలానే ఉన్నాయి. 2026 లో ఇద్దరు కలిసి చేసిన మన శంకర వరప్రసాద్ గారు 300  కోట్ల లో చేరడం రికార్డు. ఒకే పండుగ సీజన్‌లో ఈ రెండు భారీ చిత్రాలు విడుదల కావడం వల్ల నైజాం, ఆంధ్రా ప్రాంతాల్లో దాదాపు 1500 కంటే ఎక్కువ థియేటర్ల కేటాయింపు పై పెద్ద యుద్ధమే జరిగే అవకాశం ఉంది. వ్యాపార కోణంలో చూస్తే, ఈ రెండు చిత్రాల పై కలిపి దాదాపు 250 కోట్ల నుండి రూ. 300 కోట్ల మేర భారీ ప్రీ-రిలీజ్ బిజినెస్ జరిగే అవకాశం ఉందని అంచనా వేస్తున్నారు.పండుగ రోజుల్లో మల్టీప్లెక్స్‌లు, సింగిల్ స్క్రీన్‌ల టికెట్ రేట్లు పెరిగే అవకాశం ఉండటంతో పాటు మొదటి వారం రోజుల్లోనే 80% పైగా పెట్టుబడి రికవరీ అయ్యే వెసులుబాటు ఈ రెండు చిత్రాలకు లభిస్తుంది. 

Also Read: ఎంటైర్ రవితేజ కెరీర్ లోనే ఫస్ట్ టైం

అయితే ప్రేక్షకుల మౌత్ టాక్ (Word of Mouth) ఆధారంగా ఏ చిత్రం నంబర్ 1 స్థానాన్ని కైవసం చేసుకుంటుందో తేలనుంది. మాస్ ఆడియన్స్ మెగాస్టార్ మ్యాజిక్‌కు జై కొడతారా లేదా కుటుంబ ప్రేక్షకులు విక్టరీ వెంకటేష్ అండ్ అనిల్ రావిపూడి వినోదానికి ప్రాధాన్యం ఇస్తారా అనేది వేచి చూడాలి. ఏది ఏమైనా 2027 సంక్రాంతి మాత్రం తెలుగు సినిమా రంగానికి నిజమైన పండగ వాతావరణాన్ని, సరికొత్త బాక్సాఫీస్ రికార్డులను అందించబోతోందనడంలో ఎలాంటి సందేహం లేదు. అభిమానులతో పాటు సినీ అభిమానులు కోరుకునేది ఏంటంటే రెండు చిత్రాలు మంచి విజయాన్ని అందుకోవాలని. 

   Chiranjeevi, venkatesh, Kaaka, January 12 Vidudala