సీతమ్మ వాకిట్లో సిరిమల్లె చెట్టు, గీతాంజలి, జర్నీ వంటి చిత్రాలతో తెలుగు ప్రేక్షకుల మనసు దొంచుకున్న భామ అంజలి(Anjali). అచ్చ తెలుగు నటి అయిన అంజలి ఇప్పుడు సోషల్ మీడియాలో తన అప్ కమింగ్ మూవీకి సంబంధించిన న్యూస్ తో సెంటర్ ఆఫ్ అట్రాక్షన్ గా మారింది. మరి ఆ మూవీ డీటెయిల్స్ చూద్దాం.

అంజలి సీనియర్ యాక్టర్ నాజర్(Nassar)తో కలిసి 'ముసలోడికి దసరా పండగ’అనే ఆసక్తికర టైటిల్ తో రాబోతుంది. గత కొంతకాలంగా షూటింగ్ జరుపుకుంటున్న ఈ చిత్రం పూర్తి స్థాయి వినోదాత్మక చిత్రంతో రావడం టాలీవుడ్‌లో చర్చనీయాంశంగా మారింది. తాజాగా ఈ చిత్ర యూనిట్ ఈ నెల 15 న మూవీని రిలీజ్ చేస్తున్నట్టుగా  అధికారికంగా ప్రకటించి, ప్రమోషన్ల వేగాన్ని పెంచింది.

 తన వయసుని మర్చిపోయి ఒక వృద్ధుడు చేసే హంగామా, దానివల్ల ఆ కుటుంబంలో తలెత్తే వినోదభరితమైన పరిస్థితులే ఈ చిత్ర ప్రధాన ఇతివృత్తం. .ఇప్పటికే విడుదలైన సాంగ్స్, పోస్టర్లు సినిమాపై పాజిటివ్ వైబ్‌ను క్రియేట్ చేశాయి. ముఖ్యంగా నాజర్ గెటప్ మరియు ఆయన బాడీ లాంగ్వేజ్ ఈ సినిమాకు ప్రధాన ఆకర్షణగా నిలవనున్నాయి.సత్య ప్రకాష్, అనిత, కోవై సరళ తదితరులు కీ రోల్స్ లో చేస్తున్నారు.

Also read: Peddi: పెద్ది ప్రమోషన్ టూర్ లిస్ట్ రిలీజ్.. ఆసక్తికరంగా మారిన ఆ ఏరియా 

నిర్మాతలు ఎక్కడా కాంప్రమైజ్ కాకుండా ఈ చిత్రాన్ని నిర్మించారు. కేవలం కామెడీ మాత్రమే కాకుండా, నేటి తరం యువతకు, వృద్ధులకు మధ్య ఉండాల్సిన అనుబంధాన్ని కూడా దర్శకుడు ఈ సినిమాలో అంతర్లీనంగా చూపించబోతున్నట్లు సమాచారం. చిన్న సినిమాలకు ఆదరణ పెరుగుతున్న ఈ తరుణంలో, ‘ముసలోడికి దసరా పండగ’ కచ్చితంగా ప్రేక్షకులను అలరిస్తుందని చిత్ర యూనిట్ ధీమా వ్యక్తం చేస్తోంది. కామెడీ కింగ్ ఇవివి సత్యనారాయణకి ఈ చిత్రాన్ని అంకితమిస్తున్నారు.