వార్తల్లో 'ఈ నగరానికి ఏమైంది' సీక్వెల్
కార్తీక్ పాత్రలో సుశాంత్ రెడ్డికి బదులుగా శ్రీనాథ్ మాగంటి!
మెయిన్ యాక్టర్ ని ఎందుకు మార్చారు?
సుశాంత్ రెడ్డి తప్పుకున్నాడా? తప్పించారా?

ఈ తరం తెలుగు యువత రిపీటెడ్ గా చూసే సినిమాలలో ఒకటి 'ఈ నగరానికి ఏమైంది'. తరుణ్ భాస్కర్ దర్శకత్వంలో సురేష్ ప్రొడక్షన్స్ నిర్మించిన ఈ సినిమాలో విశ్వక్ సేన్, సాయి సుశాంత్ రెడ్డి, అభినవ్ గోమఠం, వెంకటేష్ కాకుమాను ప్రధాన పాత్రలు పోషించారు. 2018 లో విడుదలైన ఈ మూవీ ప్రేక్షకులను విశేషంగా ఆకట్టుకుంది. ఇప్పుడు ఈ సినిమాకి సీక్వెల్ గా 'ఈ నగరానికి ఏమైంది-2' రూపొందుతోంది. (Ee Nagaraniki Emaindi 2)

ఒక సినిమాకి సీక్వెల్ తెరకెక్కుతుందంటే.. మొదటి భాగంలోని ప్రధాన తారాగణమే రెండో భాగంలో కూడా కొనసాగుతుంది. అయితే 'ఈ నగరానికి ఏమైంది-2'లో మాత్రం సాయి సుశాంత్ రెడ్డికి బదులుగా శ్రీనాథ్ మాగంటి నటిస్తున్నాడు. దీంతో అలా ఆర్టిస్ట్ ని మార్చడం ఎంతవరకు కరెక్ట్ అనే చర్చ సోషల్ మీడియాలో జరుగుతోంది. 

'ఈ నగరానికి ఏమైంది' గ్యాంగ్ గా ఆ నలుగురు ప్రేక్షకులకు బాగా రిజిస్టర్ అయ్యారు. అందుకే వారిలో ఒకరిని రీప్లేస్ చేయడంపై నెటిజెన్లు రకరకాలుగా స్పందిస్తున్నారు. కొత్త ఆర్టిస్ట్ వస్తే ఆ మ్యాజిక్ రిపీట్ అవుతుందా? అనే అనుమానాలు వ్యక్తమయ్యాయి. ఈ క్రమంలో దర్శకుడు తరుణ్ భాస్కర్, నటుడు సాయి సుశాంత్ రెడ్డి కీలక ప్రకటనలు చేశారు.

"వ్యక్తిగత కారణాల వల్ల 'ఈ నగరానికి ఏమైంది-2'లో నటించలేనని సుశాంత్ చెప్పినప్పుడు బాధ కలిగింది. అయితే ఈ స్క్రిప్ట్ మీద, ఈ క్యారెక్టర్స్ మీద నాకు నమ్మకం ఉంది. 'ఈ నగరానికి ఏమైంది' ప్రపంచం అనేది నిజ జీవితంలో నా ఫ్రెండ్స్ తో అనుభవాల నుంచి పుట్టింది. 'ఈ నగరానికి ఏమైంది-2' స్టోరీ కూడా ఆర్గానిక్ గా వచ్చిందే. ఇందులో సుశాంత్ లేనప్పటికీ కార్తీక్ పాత్ర మిమ్మల్ని మునుపటిలాగానే అలరిస్తుంది." అని తరుణ్ భాస్కర్ చెప్పుకొచ్చాడు.

"ఈ నగరానికి ఏమైంది నా హృదయానికి దగ్గరైన సినిమా. నాకెన్నో జ్ఞాపకాలను ఇచ్చింది. ఆ సినిమా చేసి ఎనిమిదేళ్లు అవుతుంది. ఇప్పుడు లైఫ్ చాలా మారిపోయింది. నా ప్రజెంట్ వర్క్ తో సినిమాని బ్యాలెన్స్ చేయడం కష్టంగా మారింది. అందుకే మనసుకి బాధగా ఉన్నా ఈ నగరానికి ఏమైంది-2 చేయలేకపోతున్నాను." అని సుశాంత్ తెలిపాడు.

మరి 'ఈ నగరానికి ఏమైంది-2' ఎలా ఉంటుంది? కార్తీక్ పాత్రలో సుశాంత్ రెడ్డిని మరిపించేలా శ్రీనాథ్ మాగంటి నటిస్తాడా? అనేది చూడాలి.