 |
 |
- వ్యూస్లో కొత్త రికార్డు
- చరణ్, జాన్వీ స్టెప్స్కి ఫ్యాన్స్ ఫిదా
- చరణ్ బర్త్ డే కానుకగా పెద్ది రిలీజ్
రామ్చరణ్, బుచ్చిబాబు సానా దర్శకత్వంలో రూపొందుతున్న ‘పెద్ది’ చిత్రాన్ని వచ్చే ఏడాది మార్చి 27న చరణ్ బర్త్డే సందర్భంగా విడుదల చేసేందుకు ప్లాన్ చేశారు. ఈ చిత్రానికి ఎ.ఆర్.రెహమాన్ సంగీతాన్ని అందిస్తున్న విషయం తెలిసిందే. తాజాగా ఈ చిత్రానికి సంబంధించిన మొదటి పాట ‘చికిరి.. చికిరి..’ని విడుదల చేశారు మేకర్స్. ఈ పాటకు బాలాజీ సాహిత్యం అందించగా మోహిత్ చౌహాన్ పాడారు. చరణ్, జాన్వీ కపూర్లపై చిత్రీకరించిన ఈ పాటకు జానీ మాస్టర్ నృత్యరీతులు సమకూర్చారు. డీసెంట్ స్టెప్స్తో సాగే ఈ పాట అందర్నీ ఆకట్టుకుంటోంది. తమిళ్లో ఈ పాటను ఎ.ఆర్.రెహమాన్ ఆలపించడం విశేషం.
ఇదిలా ఉంటే.. ‘చికిరి చికిరి’ సాంగ్ ఓ కొత్త రికార్డును క్రియేట్ చేసింది. పాట విడుదలైన 24 గంటల్లోనే రికార్డు స్థాయిలో 46 మిలియన్ వ్యూస్ సాధించింది. అలాగే ఈ పాటకు 13 గంటల్లో 32 మిలియన్ వ్యూస్ లభించాయి. గతంలో ఓ పాట 24 గంటల్లో 32 మిలియన్ సాధించి రికార్డు సృష్టించింది. దాన్ని క్రాస్ చేస్తూ ‘చికిరి చికిరి’ సాంగ్ 46 మిలియన్ వ్యూస్ రాబట్టి ఇండియాలోనే నెంబర్ వన్ సాంగ్గా నిలిచింది. ఇప్పటికే ఈ పాటలోని స్టెప్స్పై చర్చ మొదలైంది. చరణ్, జాన్వీ వేసిన స్టెప్పుల గురించి ప్రత్యేకంగా మాట్లాడుకుంటున్నారు. అలాగే ఎ.ఆర్.రెహమాన్ చాలా కాలం తర్వాత తెలుగులో చేసిన సినిమా కావడం కూడా సోషల్ మీడియాలో చర్చకు కారణంగా కనిపిస్తోంది.
|
|
