మలయాళ హీరో టొవినో థామస్ నటించిన లేటెస్ట్ కాప్ యాక్షన్ డ్రామా చిత్రం ‘నరివెట్ట’ మలయాళం లో విడుదలై మంచి విజయం సాధించింది. టొవినో నటనకు ప్రసంశలు వస్తున్నాయి. మలయాళంలో మంచి ఫాలోయింగ్ ఉన్న ఈ హీరోకు తెలుగులోనూ మంచి గుర్తింపు దక్కింది. 

మలయాళంలో సక్సెస్ ఫుల్ గా థియేటర్స్ లో ప్రదర్షింపబడుతున్న నరివెట్ట సినిమా ను చూసి ఆడియన్స్ బావోద్యేగానికి లోనవుతున్నారు. ఈ విషయాన్ని తన సోషల్ మీడియాలో హీరో టొవినో థామస్ పోస్ట్ చేశాడు.

త్వరలో ‘నరివెట్ట’ను తెలుగులో రిలీజ్ చేసేందుకు మేకర్స్ రెడీ అవుతున్నారు. తెలుగులో ఈ చిత్రాన్ని ప్రముఖ సంస్థ మైత్రి మూవీ డిస్ట్రిబ్యూషన్స్ వారు గ్రాండ్ రిలీజ్ చేస్తున్నారు. ఈ మేరకు అధికారికంగా వారు ప్రకటించారు. 

ఇటీవల ‘ఐడెంటిటీ’, 'ఏఆర్ఎమ్' సినిమాలతో ఆకట్టుకున్న టొవినో.. ఇప్పుడు పోలీస్ స్టోరీ చిత్రంతో అలరించడానికి సిద్ధమవుతున్నాడు. 

ఇక ఈ సినిమాను అనురాజ్ మనోహర్ డైరెక్ట్ చేయగా, అబిన్ జోసెఫ్ ప్రొడ్యూస్ చేశారు. ఈ సినిమాలో సురాజ్ వెంజరమూడు, చెరణ్ తదితరులు ఇతర ముఖ్య పాత్రల్లో నటించగా, జేక్స్ బిజోయ్ సంగీతం అందించాడు.