నటీనటులు: అమ్మ రాగిన్ రాజ్, అంకిత నస్కర్, రోహిత్, ఎస్తేర్ నోరోన్హ, ముక్కు అవినాశ్, సత్యం రాజేశ్, అజయ్, విజ్జి చంద్రశేఖర్, రాజీవ్ కనకాల, ఇంద్రజ, శ్రవణ్
డీఓపీ: శ్యామ్ కె నాయుడు
మ్యూజిక్ డైరెక్టర్: ధర్మ తేజ, అస్లాం కేఈ
బీజీఎం: అస్లాం కేఈ
ఆర్ట్ డైరెక్టర్: రామకృష్ణ
ఎడిటర్ : శివ సామి
రచన, దర్శకత్వం: అమ్మ రాజశేఖర్
నిర్మాత : శ్రీనివాస గౌడ్
బ్యానర్: దీపా ఆర్ట్స్
విడుదల తేదీ: ఫిబ్రవరి 14, 2025

ప్రముఖ కొరియోగ్రాఫర్, దర్శకుడు అమ్మ రాజశేఖర్ తన కుమారుడు అమ్మ రాగిన్ రాజ్ ను హీరోగా పరిచయం చేస్తూ దర్శకత్వం వహించిన చిత్రం తల. అంకిత నస్కర్ హీరోయిన్ గా నటించిన ఈ సినిమా వాలంటైన్స్ డే సందర్భంగా ఫిబ్రవరి 14న ప్రేక్షకులు ముందుకు వచ్చింది. మరి ఈ చిత్రం ఎలా ఉంది అనేది రివ్యూలో తెలుసుకుందాం.

కథ: 
హీరో తల్లి తను ప్రేమించి పెళ్లాడిన వ్యక్తి దూరమై అనారోగ్యంతో బాధపడుతూ ఉంటుంది. హీరో తన తల్లి పడుతున్న ఆవేదన చూడలేక తన తండ్రి కోసం వెతుక్కుంటూ వెళ్తాడు. అలా వచ్చిన తరువాత తన తండ్రిని ఎలా ఎక్కడ వెతికి పట్టుకున్నాడు? అలా వెతికి పట్టుకున్న తన తండ్రి కుటుంబం లో ఉన్న సమస్య ఏమిటి? ఆ సమస్యను వారు ఎలా పరిష్కరించాడు? చివరికి తన తల్లిదండ్రులు కలుస్తారా? ఈ ప్రయాణంలో జీవితం ఎలాంటి మలుపులు తిరిగింది? అనే ప్రశ్నలకు సమాధానం తెలియాలంటే ఈ చిత్రం చూడాలి.

విశ్లేషణ:
అమ్మాయి కోసం ప్రాణాలు ఇస్తున్న ఈ జనరేషన్లో.. అమ్మకోసం ఇంత కష్టపడే కొడుకు కథగా ఈ చిత్రాన్ని చెప్పుకోవచ్చు. ఈ కథను ప్రేక్షకులు మెచ్చేలా తెరపైకి తీసుకురావడంలో దర్శకుడు అమ్మ రాజశేఖర్ కొంతవరకు విజయం సాధించారు. యాక్షన్, ఎమోషనల్ సన్నివేశాల మేళవింపుతో ఈ చిత్రం రూపొందింది. ముఖ్యంగా యాక్షన్ సీన్స్ ఆకట్టుకునే విధంగా ఉంటాయి. టెక్నికల్ గా ఈ సినిమా బాగానే ఉంది. మ్యూజిక్, కెమెరా, ఎడిటింగ్ డిపార్ట్మెంట్ లు బాగానే పనిచేశాయి. బ్యాగ్రౌండ్ మ్యూజిక్ మాత్రం కొన్ని సన్నివేశాల్లో తేలిపోయింది. నిర్మాణ విలువలు సినిమా స్థాయికి తగ్గట్టుగా ఉన్నాయి. వైలెన్స్ కొంచెం ఎక్కువగా ఉండటం ఈ సినిమాకి మెయిన్ మైనస్.

నటీనటుల నటన: 
అమ్మ రాగిన్ రాజ్ నటించిన తొలి చిత్రం అయినా కూడా మంచి నటనను కనబరిచాడు. హీరోయిన్ అంకిత కూడా తనదైన పర్ఫామెన్స్ ఇచ్చింది. అదేవిధంగా చాలాకాలం తర్వాత తెరపైకి వచ్చిన రోహిత్.. హీరో తండ్రి పాత్రలో తనదైన శైలిలో నటించి మెప్పించారు. ఎస్త‌ర్, అజయ్, సత్యం రాజేష్, ముక్కు అవినాష్, రాజీవ్ కనకాల, ఇంద్రజ తదితరులు పాత్రల పరిధి మేరకు నటించి మెప్పించారు. 

ఫైనల్ గా.. 
అమ్మ సెంటిమెంట్ తో రూపొందిన ఈ సినిమాలో వైలెన్స్ కొంచెం ఎక్కువగానే ఉంది. యాక్షన్ సినిమాలను ఇష్టపడే వారికి ఈ సినిమా నచ్చే అవకాశముంది.

రేటింగ్: 2.5/5