రైజింగ్ హాండ్స్ ప్రొడక్షన్స్ బ్యానర్ లో ప్రొడక్షన్ నెంబర్ 1 గా తెరకెక్కుతున్న చిత్రం 'సీతారాం సిత్రాలు'. లక్ష్మణ్, భ్రమరాంబిక, కిశోరి దాత్రక్ హీరో హీరోయిన్లుగా నటిస్తున్న ఈ చిత్రం ద్వారా డి.నాగ శశిధర్ రెడ్డి దర్శకుడిగా పరిచయం అవుతున్నారు. 

మన పాత రోజులను గుర్తు చేస్తూ... పెళ్లి విసిఆర్ క్యాసెట్స్ పై అల్లిన కథ సీతారాం చిత్రాలు. ఈ చిత్ర కాన్సెప్ట్  ట్రైలర్ ను ప్రముఖ దర్శకుడు మారుతి విడుదల చేశారు.

ఈ సందర్భంగా మారుతి మాట్లాడుతూ... "కొత్త కథ, కథనాలు ఉన్న సినిమాలు ఎప్పుడూ ప్రేక్షకాదరణ పొందుతాయి. సీతారాం చిత్రాలు టైటిల్, ట్రైలర్ బాగున్నాయి. సినిమా విజయం సాధించి అందరికి మంచి పేరు తెచ్చి పెట్టాలని కోరుకుంటున్నాను." అన్నారు.

షూటింగ్, పోస్ట్ ప్రొడక్షన్ కార్యక్రమాలు పూర్తిచేసుకున్న ఈ సినిమా త్వరలో థియేటర్స్ లో విడుదల కానుంది.

ఢిల్లీ రాజేశ్వరి, కృష్ణమూర్తి, సందీప్ వారణాశి, గురుస్వామి తదితరులు నటిస్తున్న ఈ సినిమాకి రుద్ర కిరణ్ సంగీతం అందిస్తున్నాడు. సినిమాటోగ్రాఫర్ గా అరుణ్ కుమార్ పర్వతనేని, ఎడిటర్ గా ప్రణీత్ కుమార్ వ్యవహరిస్తున్నారు.