సినిమాలో విషయముంటే బడ్జెట్ ఎంత, హీరో ఎవరు, డైరెక్టర్ ఎవరు వంటి విషయాలతో సంబంధం లేకుండా ప్రేక్షకులు ఆదరిస్తున్నారు. అందుకే ఎందరో కొత్తవాళ్లు సినిమాలు చేయడానికి ఆసక్తి చూపిస్తున్నారు. తాజాగా తక్కువ బడ్జెట్లో నాచురాలిటీ దగ్గరగా రొటీన్ కి భిన్నంగా మన ముందుకు వచ్చిన సినిమా 'గ్రౌండ్'. సాఫ్ట్ వేర్ ఎంప్లాయ్ అయినా సినిమా మీద పాషన్ తో సూరజ్ తానే నిర్మాత దర్శకుడిగా వ్యవహరిస్తూ గ్రౌండ్ సినిమాను రూపొందించారు. నటీనటులు మొదలుకొని ఈ సినిమాకి పని చేసిన వాళ్ళందరూ కొత్తవాళ్లే. గల్లీ క్రికెట్ నేపథ్యంలో న్యాచురల్ గా చిత్రీకరించిన ఈ చిత్రం ఫిబ్రవరి 23న విడుదలైంది. మరి ఈ సినిమా ఎలా ఉంది అనేది రివ్యూలో తెలుసుకుందాం. 

కథ:
ఆదివారం వస్తే గల్లీ గ్రౌండ్లో క్రికెట్ ఆడుకునే కుర్రాళ్ళ కథే ఈ గ్రౌండ్ సినిమా. అలా ఒక ఆదివారం గ్రౌండ్లో క్రికెట్ ఆడుకుంటూ ఉన్న కుర్రాళ్ళకి అక్కడే ఆడుతున్న వేరే గ్రూప్ తో ఒక సమస్య ఎదురవవుతుంది. ఆ సమస్యని ఎలా ఎదుర్కొన్నారు అనేది కథ. ఒక రోజు ఒక గ్రౌండ్ లో జరిగిన సంఘటన కారణంగా కొందరి జీవితాలు ఎలాంటి మలుపులు తిరిగాయో తెలియాలంటే సినిమా చూడాల్సిందే.

విశ్లేషణ:
చిన్న పాయింట్ ని తీసుకొని, దాని చుట్టూ సహజమైన సన్నివేశాలను అల్లుకొని ప్రేక్షకులను అలరించడం మలయాళ సినిమాల శైలి. అలా మలయాళ రూపొందిన సినిమాలు తెలుగు ప్రేక్షకులను కూడా ఎంతగానో అలరిస్తున్నాయి. అయితే ఇప్పుడు 'గ్రౌండ్' రూపంలో తెలుగులోనే అలాంటి సహజమైన సినిమా వచ్చింది.

ఆదివారం వస్తే చాలు గల్లీ క్రికెట్ ఆడే వాళ్ళందరికీ ఈ సినిమా నచ్చుతుంది. ఒకే రోజు ఒకే గ్రౌండ్ లో జరిగిన సంఘటనలని మన కళ్ళముందే జరిగినంత న్యాచురల్ గా చిత్రీకరించారు. ఇందులో నటించిన ప్రతి క్యారెక్టర్ కి ప్రాముఖ్యత ఉంది. మన చుట్టుపక్కల వినిపించే కామన్ శబ్దాలనే మ్యూజిక్ బ్యాగ్రౌండ్ గా తీసుకున్నారు. నాచురల్ లైట్ లో మన కళ్ళ ముందే జరుగుతున్నట్టుగా నాచురల్ గా చిత్రీకరించారు.

నటీనటులు:
క్రికెట్ టీం కెప్టెన్ గా హీరోగా హరి అలాగే అతని ఫ్రెండ్స్ గ్యాంగ్ కొత్త వాళ్ళైనా కూడా చాలా బాగా నటించారు. హీరోయిన్గా తేజస్విని నటన బాగుంది. ఎక్స్ప్రెషన్స్ చాలా బాగా ఇచ్చింది. తన ఫ్రెండ్ క్యారెక్టర్ గా చేసిన దుర్గ నటన కూడా బాగుంది. చెల్లి క్యారెక్టర్ లో చేసిన ప్రీతి (చిన్ను) ఆ గ్యాంగ్ అందరిని ఆటపట్టించే క్యారెక్టర్ లో చాలా బాగా నటించింది. హీరో ఫ్రెండ్ క్యారెక్టర్ లో నాగరాజు నటన మెప్పించింది.

సాంకేతిక నిపుణులు:
నిర్మాతగా దర్శకుడుగా వ్యవహరిస్తూ సూరజ్ మొట్టమొదటి సినిమా అయినా గ్రౌండ్ సినిమాని బాగా చిత్రీకరించాడు. చిన్న కథ అయినా రొటీన్ కి భిన్నంగా నేచురల్ గా తీశాడు. మ్యూజిక్ కూడా నేచురల్ గా ఉండేలా చూసుకున్నాడు. భాస్కర్ అందించిన మ్యూజిక్ బాగుంది. విజయ్ గట్టు అందించిన కథ సింపుల్ అండ్ బ్యూటిఫుల్ అనేలా ఉంది. జహీర్ భాషా సినిమాటోగ్రఫీ, ఎడిటింగ్ పనితీరు బాగున్నాయి.

పాజిటివ్స్:
- కథాంశం
- తక్కువనిడివి
- ప్రతి పాత్రకి ప్రాముఖ్యత
- సన్నివేశాలు, సంభాషణల్లో సహజత్వం

నెగిటివ్స్ :
-అక్కడక్కడ కొంచెం లాగ్ సీన్స్ ఉండడం

ఫైనల్ గా:
గల్లీ క్రికెట్ నేపథ్యంలో కొత్తవారు చేసిన ఈ ప్రయత్నం మెప్పిస్తుంది. యూత్ కి, గల్లీ క్రికెటర్స్ కి 'గ్రౌండ్' సినిమా నచ్చే అవకాశముంది.

రేటింగ్ : 2.75/5