విజయ్‌ దేవరకొండ, పరశురామ్‌ కాంబినేషన్‌లో వచ్చిన ‘గీత గోవిందం’ ఎంతటి విజయాన్ని సాధించిందో అందరికీ తెలిసిందే. మళ్ళీ వీరిద్దరి కాంబినేషన్‌లో వస్తున్న మరో డిఫరెంట్‌ మూవీ ‘ఫ్యామిలీ స్టార్‌’. ఈ చిత్రాన్ని దిల్‌రాజు నిర్మిస్తున్నారు. ఇటీవల విడుదలైన ఈ సినిమా టీజర్‌కి మంచి రెస్పాన్స్‌ వచ్చింది. సంక్రాంతి కానుకగా ఈ చిత్రాన్ని విడుదల చెయ్యాలని భావించారు నిర్మాత దిల్‌రాజు. ఈరోజు వరకు సంక్రాంతి బరిలో ఉన్న సినిమాల్లో విజయ్‌ దేవరకొండ ‘ఫామిలీస్టార్‌’ పేరు కూడా వినిపించింది. అయితే తాజా సమాచారం మేరకుఈ సినిమా సంక్రాంతికి విడుదల కావడం లేదని తెలుస్తోంది. 

కారణాలు ఏమిటో తెలియనప్పటికీ సినిమాని పోస్ట్‌ పోన్‌ చేస్తున్నారని సమాచారం. సమ్మర్‌ స్పెషల్‌గా చిత్రాన్ని విడుదల చెయ్యాలని దిల్‌ రాజు భావిస్తున్నాడట. ఈ విషయాన్ని అధికారికంగా వెల్లడిరచేందుకు శుక్రవారం సాయంత్రం ప్రెస్‌మీట్‌ పెట్టబోతున్నారని తెలుస్తోంది. ఈ సమావేశంలో ‘ఫ్యామిలీ స్టార్‌’ కొత్త రిలీజ్‌ డేట్‌ని ఎనౌన్స్‌ చేస్తారట. అలాగే సినిమా పోస్ట్‌పోన్‌ కావడానికి గల కారణాలను కూడా వెల్లడిరచే అవకాశం ఉందని తెలుస్తోంది.