రవి మహాదాస్యం, విషిక లక్ష్మణ్‌ జంటగా నటించిన చిత్రం 'సగిలేటి కథ'. రాయలసీమ పల్లెటూరి నేపథ్యంలో సాగే ఈ చిత్రానికి రాజశేఖర్‌ సుద్మూన్‌ దర్శకత్వం వహించారు. హీరో నవదీప్‌ సి-స్పేస్ సమర్పణలో, షేడ్‌ ఎంటర్టైన్మెంట్‌, అశోక్‌ ఆర్ట్స్‌ బ్యానర్స్ లో దేవీప్రసాద్‌ బలివాడ, అశోక్‌ మిట్టపల్లి సంయుక్తంగా నిర్మించారు. అక్టోబర్ 13న ఈ చిత్రం ప్రేక్షకుల ముందుకు రానుంది. ఇప్పటికే రిలీజైన ట్రైలర్, సాంగ్స్ కి ప్రేక్షకుల నుండి మంచి స్పందన లభించింది.

ఈ చిత్రంలో కథకి ఎంతో కీలకమైన 'చికెన్' సాంగ్ ని 'కోడి కూర చిట్టి గారే' రెస్టారెంట్ లో లాంచ్ చేశారు. హీరో నవదీప్ ఆధ్వర్యంలో టాలీవుడ్ సక్సెస్ ఫుల్ యంగ్ డైరెక్టర్స్, 'బేబీ' ఫేమ్ సాయి రాజేష్, 'కేరాఫ్ కంచరపాలెం' ఫేమ్ వెంకటేష్ మహా, 'కలర్ ఫోటో' ఫేమ్ సందీప్ రాజ్ ముఖ్య అతిథులులుగా 'చికెన్' సాంగ్ లాంచ్ ఘనంగా జరిగింది.

ఈ సందర్భంగా డైరెక్టర్ సాయి రాజేష్ మాట్లాడుతూ.. "ఈ సినిమాని హీరో నవదీప్ ప్రెజెన్స్ చేస్తున్నందుకు చాలా హ్యాపీ గా ఉంది. ఎందుకంటే, కొత్త టాలెంట్ ని ఎంకరేజ్ చేయడంలో ఆయన ఎప్పుడు ముందుంటారు. నాకు ఒకరోజు ప్రొడ్యూజర్ యస్.కె.యన్ సగిలేటికథ సినిమా ట్రైలర్ చూపించారు. ట్రైలర్ చూసినప్పుడే, నేను బలంగా నమ్మాను.. ఈ సినిమా సూపర్ హిట్ అని. సినిమాలో ప్రతి ఒక్క ఆర్టిస్ట్ బాగా నటించారు. తప్పకుండా, ఈ సినిమా ని ప్రతి ఒక్కరు ఆదరిస్తారని కోరుకుంటున్నాను." అన్నారు.

డైరెక్టర్ వెంకటేష్ మహా మాట్లాడుతూ.. "నాకు నవదీప్ కాల్ చేసి ఇలా, సాంగ్ లాంచ్ ఉంది మీరు రావాలి అన్నారు. ట్రైలర్, పోస్టర్స్ చూసాక చాలా ప్రామిసింగ్ గా అనిపించాయి. రూట్ లెవెల్ లో వస్తున్న ఈ సినిమా క్లైమాక్స్ అద్భుతంగా ఉంటుందని నవదీప్ చెప్పారు. క్లైమాక్స్ విన్నాక ఇది మరో బ్లాక్ బాస్టర్ అనిపించింది. డైరెక్టర్ రాజశేఖర్ కి మంచి భవిషత్తు ఉంది. మూవీ టీంకి ఆల్ ది బెస్ట్." అన్నారు.

డైరెక్టర్ సందీప్ రాజ్ మాట్లాడుతూ.. "ముందుగా, నవదీప్ అన్నయ్య కి ఆల్ ది బెస్ట్. ఈ సినిమాలో కొత్త వాళ్ళైనా నటన అద్భుతంగా చేసారు. ముఖ్యంగా, సినిమాలో మ్యూజిక్ వేరే లెవెల్. చికెన్ లిరికల్ సాంగ్ చూడగానే, ఈ సినిమా పక్కా హిట్ అనిపించింది. ప్రతి సినిమాకి మ్యూజిక్ ఎంతో ప్రధానం. కాబట్టి, ఈ సినిమా మరో 'బలగం' రేంజ్ లో హిట్ కొడతారని బలంగా నమ్ముతున్నాను." అన్నారు.

హీరో నవదీప్ మాట్లాడుతూ.. "మా సి-స్పేస్ ద్వారా ఇలాంటి కంటెంట్ ఉన్న ప్రాజెక్ట్ ప్రేక్షకుల ముందుకి వస్తున్నందుకు మా టీమ్ అందరు చాలా హ్యాపీ. డైరెక్టర్ రాజశేఖర్ చాలా టాలెంటెడ్, స్వతహాగా పైకి వస్తున్న వ్యక్తి. పైగా, అన్ని క్రాఫ్ట్స్ ని తనే స్వయంగా హ్యాండిల్ చేసి టీమ్ ని ముందుకి నడిపించారు. ప్రొడ్యూసర్స్ దేవి ప్రసాద్ బలివాడ, అశోక్ కి నా ఆల్ ది బెస్ట్. ఈ సినిమాలో రోషం రాజు క్యారెక్టర్ నాకు ఇష్టం. అలాగే, ఈ సినిమాలో కామెడీ అందరిని నవ్విస్తుంది. ప్రతి ఒక్కరికి ఈ సినిమా చూసాక చికెన్ తినాలనిపిస్తుంది, ఇంక్లూడింగ్ వెజిటేరియన్ వాళ్లకి కూడా. మా మూవీ అక్టోబర్ 13న ప్రేక్షకుల ముందుకి వస్తుంది, ప్రతి ఒక్కరు థియేటర్ కి వచ్చి మా టీమ్ ని బ్లెస్ చేస్తారని కోరుకుంటున్నాను." అన్నారు.