పాజిటివ్ వైబ్ ప్రొడక్షన్ బ్యానర్ తెరకెక్కుతున్న లవ్ అండ్ రొమాంటిక్ ఎంటర్టైనర్ చిత్రం 'రవికుల రఘురామ'. శ్రీధర్ వర్మ సాగి నిర్మాణంలో.. ట్యాలెంటెడ్ డైరెక్టర్ చంద్రశేఖర్ కానూరి దర్శకత్వంలో ఈ చిత్రం రూపొందింది.

యువ హీరో గౌతమ్ సాగి, అందాల భామ దీప్శిఖా జంటగా నటించారు. మంచి కథను ఎంచుకొని, వినోదభరితమైన చిత్రాన్ని అందించడమే లక్ష్యంగా ఎంతో కష్టపడినట్లు చిత్ర బృందం చెబుతోంది. డైరెక్టర్ చంద్రశేఖర్ తన సృజనాత్మకత మొత్తం జోడించి ఈ కథకి ప్రాణం పోశారని, అలాగే హీరో హీరోయిన్లు కూడా మంచి పెర్ఫామెన్స్ అందించారని మేకర్స్ తెలిపారు.

సుకుమార్ పమ్మి ఈ చిత్రానికి సంగీతం అందించారు. ఈ సినిమాకి ఆయన మ్యూజిక్ హైలైట్ గా నిలవనుందని అంటున్నారు. ఇప్పటికే విడుదలైన పాటలు సినిమా పట్ల ప్రేక్షకుల్లో ఆసక్తిని పెంచాయి. ముఖ్యంగా ఇటీవల ఈ చిత్రం నుంచి విడుదలైన 'చందమామే' అనే బ్యూటిఫుల్ మెలోడీ సాంగ్, అలాగే "ప్రాణాలే" సాంగ్ బాగా పాపులర్ అయ్యాయి. 

తాజాగా ఈ సినిమా ట్రైలర్ ను ప్రముఖ నటుడు విజయ్ సేతుపతి విడుదల చేశారు. ఈ సందర్భంగా విజయ్ సేతుపతి చిత్ర యూనిట్ ని అభినందించారు. ట్రైలర్ చాలా ప్రామిసింగ్ గా ఉంది, సినిమాపై ఆసక్తిని పెంచేలా ఉంది. మార్చి 15న విడుదల కాబోతున్న ఈ సినిమా పెద్ద విజయం సాధించాలి. అలాగే ఈ సినిమాకు వర్క్ చేసిన ఆర్టిస్ట్ లు, టెక్నిషియన్స్ అందరికీ మంచి పేరు రావాలని కోరుకుంటున్నాను అన్నారు.

సత్య, జబర్దస్త్ నాగి తదితరులు నటించిన ఈ చిత్రానికి సుకుమార్ పమ్మి సంగీతం అందించగా.. సినిమాటోగ్రాఫర్ గా మురళి వ్యవహరించారు.