టాలీవుడ్ స్టార్స్ లో మాస్ మహారాజా రవితేజ ఇమేజ్ ప్రత్యేకం. తన కెరీర్ లో ఎన్నో బ్లాక్ బస్టర్స్ ని అందుకున్నారు. అలాంటి రవితేజ, ఇప్పుడు సాలిడ్ సక్సెస్ కోసం చూస్తున్నారు. 2018 నుంచి రవితేజ నటించిన 12 సినిమాలు విడుదలైతే.. అందులో 'క్రాక్', 'ధమాకా' అనే రెండు సినిమాలు మాత్రమే హిట్ అయ్యాయి. 2022 లో వచ్చిన 'ధమాకా' తర్వాత వరుసగా నాలుగు ఫ్లాప్స్ చూశారు. దీంతో మాస్ మహారాజా రవితేజ మునుపటిలా ఘన విజయాలు అందుకోవాలని, ఆయన అదిరిపోయే కమ్ బ్యాక్ ఇవ్వాలని ఫ్యాన్స్ కోరుకుంటున్నారు. ఫ్యాన్స్ కోరికను నిలబెట్టేలా ప్రస్తుతం రవితేజ లైనప్ ఉంది. (Ravi Teja)

అక్టోబర్ 31న తన 75వ చిత్రం 'మాస్ జాతర'తో ప్రేక్షకులను పలకరించనున్నారు రవితేజ. 'సామజవరగమన' రైటర్ భాను భోగవరపు ఈ చిత్రానికి దర్శకుడు కావడం విశేషం. మాస్ తో పాటు ఫ్యామిలీ ఆడియన్స్ మెచ్చేలా మాస్ రాజా మార్క్ యాక్షన్ ఎంటర్టైనర్ గా ఇది రూపుదిద్దుకుంటోంది. 

రవితేజ తన 76వ సినిమాని కిషోర్ తిరుమల దర్శకత్వంలో చేస్తున్నారు. ఫ్యామిలీ కామెడీ డ్రామాగా తెరకెక్కుతోన్న ఈ చిత్రాన్ని, 2026 సంక్రాంతికి విడుదల చేయడానికి సన్నాహాలు చేస్తున్నారు. ఆ తర్వాత శివ నిర్వాణ డైరెక్షన్ లో ఓ థ్రిల్లర్ డ్రామాకి ఓకే చెప్పిన రవితేజ.. అలాగే, 'మ్యాడ్' ఫేమ్ కళ్యాణ్ శంకర్ దర్శకత్వంలోనూ ఓ సూపర్ హీరో ఫిల్మ్ చేయనున్నారు.

రవితేజ తదుపరి నాలుగు చిత్రాలు నాలుగు భిన్న జానర్స్ లో వస్తున్నాయి. ఈ లైనప్ చాలా ప్రామిసింగ్ గా కనిపిస్తుంది. ఈ సినిమాలతో రవితేజ మునుపటిలా మళ్ళీ తన బాక్సాఫీస్ పవర్ ని చూపించడం ఖాయమని అభిమానులు బలంగా నమ్ముతున్నారు.