-సంచలనం రేపుతున్న ప్రతీక్ స్మిత పాటిల్
-ఎందుకు ఫేక్ 
-ప్రతీక్ చెప్పేది నిజమేనా! 

భారతీయ సాంప్రదాయంలో వివాహ బంధానికి ఉన్న ప్రాముఖ్యత తెలిసిందే. పెళ్లిళ్లు స్వర్గంలో నిర్ణయించబడతాయనే నానుడి కూడా అనాదిగా వస్తుంది. కానీ బాలీవుడ్ చిత్ర సీమకి ఇవేమి పట్టవని,అక్కడ జరిగే పెళ్లిళ్లు  తొంబై శాతం ఫేక్ అని ప్రముఖ బాలీవుడ్  నటుడు ప్రతీక్ స్మిత పాటిల్(Prateik smitaPatil)సంచలన కామెంట్స్ చేసాడు. ప్రతీక్ ఎవరో కాదు నాచురల్ స్టార్ నాని ప్రీవియస్ మూవీ  హిట్ 3 లో విలన్ గా అద్భుతమైన పెర్ ఫార్మ్ చేసి గూగుల్ లో  తన డీటెయిల్స్ సెర్చ్ చేసే అవసరాన్ని తెలుగు ప్రేక్షకులకి కూడా కల్పించాడు. మరి పెళ్లిళ్లపై ఏమంటున్నాడో చూద్దాం.

రీసెంట్ గా ప్రతీక్ తన వైఫ్ ప్రియా బెనర్జీ(Priya Banerjee)తో కలిసి ఇంటర్వ్యూలో పాల్గొన్నాడు. అందులో ఆయన మాట్లాడుతు బాలీవుడ్ లో ఉన్నాం కాబట్టి ఇక్కడ వివాహ బంధాల విషయంలో ఏం జరుగుతుందో మాకు తెలుసు. తొంబై శాతం వివాహ బంధాలు ముసుగుతోనే ఉంటాయి. పెళ్లి అయిన వాళ్లే.. రాత్రి అయిపోతే విషయం అయిపోయినట్టే అంటున్నారంటే పరిస్థితి ఏంటో అర్ధం చేసుకోవచ్చు.ప్రస్తుతం ఒకరినొకరు మోసగించుకోవడం ఫ్యాషన్ అయిపోయింది. అది ఒక్కరితో ఆగడం లేదు. ప్రజలకి ఈ వాస్తవాలు తెలియవు. కానీ ఏదో ఒక రోజు ఈ విషయాలన్నీ కథ,పుస్తకం లేదా సినిమాగా రావచ్చని చెప్పుకొచ్చాడు. 

Also read:  లొంగిపోయిన అగ్ర కమెడియన్.. తీహార్ జైలుకి తరలింపు   

ఇండియన్ చిత్ర సీమలో తమదైన ముద్ర వేసిన స్మిత పాటిల్, రాజ్ బబ్బర్ ల కుమారుడే ప్రతీక్. ముఖ్యంగా స్మిత పాటిల్ అయితే హీరోయిన్ గా అఖండ భారతావని మొత్తం ఎంతో మంది అభిమానులని సంపాదించుకుంది. అంతటి చరిష్మా కలిగిన నట వారసుడు ప్రతీక్ బాలీవుడ్ పెళ్లిళ్లపై అలాంటి వ్యాఖ్యలు చెయ్యడం పెద్ద దుమారాన్నే రేపుతున్నాయి. ప్రతీక్ వ్యక్తిగత జీవితాన్ని విషయానికి వస్తే 2019 వ సంవత్సరంలో ఫిలిం ప్రొడ్యూసర్  సన్య సాగర్(Sanya Saagar)ని వివాహం చేసుకున్నాడు. కానీ 2023 లో ఆ ఇద్దరు విడాకులు తీసుకోగా గత ఏడాది ఫిబ్రవరిలోనే ప్రియా బెనర్జీ తో వివాహం జరిగింది. ఆమె కెనడియన్ కి చెందిన నటి.