స్టార్ రైటర్, డైరెక్టర్ త్రివిక్రమ్(Trivikram)ప్లాన్ చేసిన అత్యంత ప్రతిష్టాత్మకమైన సోషియో మైథలాజికల్ చిత్రం 'గాడ్ ఆఫ్ వార్(God Of War). కార్తికేయ ఉరఫ్  కుమారస్వామి అన్‌హెర్డ్ మైథాలజీ కథల ఆధారంగా తెరకెక్కబోతుంది. ఈ పవర్‌ఫుల్ స్క్రిప్ట్ కోసం స్టార్ హీరోలు ఎన్టీఆర్(Ntr),అల్లు అర్జున్(Allu Arjun)మధ్య గట్టి పోటీనే నడిచింది. టాలీవుడ్ చరిత్రలోనే ఎన్నడూ లేనంతగా ఈ ఒక్క సినిమా గురించిన ఇన్‌సైడ్ అప్‌డేట్స్ ఇద్దరి అభిమానులని తీవ్ర ఉత్కంఠకి  గురిచేసాయి.

నిజానికి 'గుంటూరు కారం' సినిమా తర్వాత త్రివిక్రమ్ తన తదుపరి భారీ ప్రాజెక్టును ఐకాన్ స్టార్ అల్లు అర్జున్‌తో చేయాలని  ప్లాన్ చేశారు. హారిక అండ్ హాసిని క్రియేషన్స్ పతాకంపై సుమారు 300 కోట్ల కంటే ఎక్కువ భారీ బడ్జెట్‌తో దేశవ్యాప్తంగా అబ్బురపరిచే రీతిలో ఈ చిత్రాన్ని నిర్మించాలని నిర్మాతలు రాధాకృష్ణ, నాగవంశీ భావించారు. అయితే అల్లు అర్జున్ అప్పటికే తన క్రేజీ పాన్ ఇండియా లైనప్‌తో బిజీగా ఉండటం, ముఖ్యంగా డైరెక్టర్ అట్లీతో కొత్త సినిమాని పట్టాలెక్కించే పనిలో పడటంతో త్రివిక్రమ్ సినిమాకి  డేట్స్ అడ్జస్ట్ చేయడం  కష్టంగా మారింది. అల్లు కాంపౌండ్ ఈ సినిమాని ఎలాగైనా చేయాలని చివరి వరకు గట్టి ప్రయత్నాలే చేసింది. కానీ కాల్షీట్ల సమస్యల వల్ల  వర్కవుట్ కాలేదు.

ఈ క్రమంలోనే ఈ ప్రతిష్టాత్మకమైన స్క్రిప్ట్ మళ్లీ ఎన్టీఆర్ వద్దకు చేరింది. నిజానికి త్రివిక్రమ్ ఈ కథాంశాన్ని మొదట ఎన్టీఆర్ మైండ్‌సెట్‌ని, ఆయనకున్న అద్భుతమైన పౌరాణిక డెలివరీ టైమింగ్‌ని దృష్టిలో పెట్టుకునే సిద్ధం చేసుకున్నారు. అల్లు అర్జున్ వేరే ప్రాజెక్ట్‌లతో బిజీ కావడం త్రివిక్రమ్‌కు ఒక రకంగా ప్లస్ అయింది. ఎన్టీఆర్ కోసం తాను ఎంతో ఇష్టపడి రాసుకున్న 'లార్డ్ కుమారస్వామి' కథను ఆయనతోనే తెరకెక్కించాలని త్రివిక్రమ్ స్ట్రాంగ్‌గా ఫిక్స్ అయ్యారు. అటు గ్లోబల్ స్టార్ ఎన్టీఆర్ కూడా ముంబై ఎయిర్‌పోర్టులో 'మురుగ ది లార్డ్ ఆఫ్ వార్' అనే పౌరాణిక నవలని  చేతిలో పట్టుకుని కనిపించడంతో, ఈ ప్రాజెక్ట్‌పై ఆయన అప్పుడే హోమ్‌వర్క్ కూడా మొదలుపెట్టేసారనే వార్తలకు 100 శాతం బలం చేకూరింది.

also read: Maa inti bangaram: మా ఇంటి బంగారం ఖాతాలో మరో ఘనత.. జీవితమే ఒక ఆట..సాహసమే పూబాట 

ఈ సినిమా అనౌన్స్ చేసినప్పటి నుండి సోషల్ మీడియా వేదికగా ఫ్యాన్స్ తెగ సందడి చేస్తున్నారు. పౌరాణిక గాథలకి , జెనెటిక్స్ సైన్స్‌కి  ముడిపెడుతూ త్రివిక్రమ్ సరికొత్త మేకింగ్ స్టైల్‌లో  ప్లాన్ చేస్తున్నారనే టాక్ వినిపిస్తోంది. దీంతో వెండితెరపై ఎన్టీఆర్ 'గాడ్ ఆఫ్ వార్'గా ఎలాంటి విజువల్ వండర్ క్రియేట్ చేయబోతున్నారో చూడాలని అభిమానులతో పాటు యావత్ భారత చలనచిత్ర పరిశ్రమ ఎంతో ఆసక్తిగా ఎదురుచూస్తోంది. 2018లో వచ్చిన బ్లాక్‌బస్టర్ యాక్షన్ డ్రామా 'అరవింద సమేత వీర రాఘవ' తర్వాత ఎన్టీఆర్, త్రివిక్రమ్ కాంబినేషన్‌లో వస్తున్న రెండవ సినిమా ఇదే కావడం విశేషం.