బాలకృష్ణ తనయుడు మోక్షజ్ఞ సినీ రంగ ప్రవేశం గురించి నందమూరి అభిమానులు ఎంతగానో ఎదురుచూస్తున్నారు. మోక్షజ్ఞ ఎంట్రీ గురించి ఎప్పటికప్పుడు వార్తలు వస్తున్నాయి కానీ.. అభిమానుల ఆశ మాత్రం నెరవేరట్లేదు. తన తాజా లుక్ తో మోక్షజ్ఞ మరోసారి సోషల్ మీడియాలో హాట్ టాపిక్ గా మారాడు.

తాజాగా ఓ పెళ్లి వేడుకలో మోక్షజ్ఞ సందడి చేశాడు. ప్రస్తుతం దీనికి సంబంధించిన ఫొటోలు సోషల్ మీడియాలో చక్కర్లు కొడుతున్నాయి. ఈ ఫొటోల్లో మోక్షజ్ఞ లుక్ చూసి ఫ్యాన్స్ ఫిదా అవుతున్నారు. లుక్ బాగుందని, ఈ లుక్ తో సినిమా పడితే అదిరిపోతుందని అభిమానులు అభిప్రాయపడుతున్నారు.

నిజానికి 'హనుమాన్' ఫేమ్ ప్రశాంత్ వర్మ దర్శకత్వంలో మోక్షజ్ఞ మొదటి మూవీ ప్రకటన వచ్చింది. కానీ, ఎందుకనో ఆ ప్రాజెక్ట్ పట్టాలెక్కలేదు. 'ఆదిత్య 369'కి సీక్వెల్ గా తెరకెక్కనున్న 'ఆదిత్య 999'తో మోక్షజ్ఞ టాలీవుడ్ ఎంట్రీ ఇస్తాడని కొద్దిరోజులుగా ప్రచారం జరుగుతోంది. క్రిష్ డైరెక్ట్ చేయనున్న ఈ చిత్రంలో తండ్రి బాలకృష్ణతో కలిసి మోక్షజ్ఞ స్క్రీన్ షేర్ చేసుకుంటాడని సమాచారం.

మొత్తానికైతే మోక్షజ్ఞ లుక్ చూసి నందమూరి అభిమానులు మురిసిపోతున్నారు. ఈ నందమూరి వారసుడు త్వరగా తెరంగేట్రం చేయాలని వారు ఆశపడుతున్నారు. మరి 'ఆదిత్య 999'తోనైనా వారి ఆశ నెరవేరుతుందేమో చూడాలి.