డాలీ దర్శకత్వంలో పవర్‌స్టార్ పవన్‌కళ్యాణ్ నటించిన కాటమరాయుడు ఆడియో వేడుక లేదని ముందే ప్రకటించారు. దానికి బదులుగా సినిమాలోని ఆరు పాటలను రోజుకోక్కొటి చొప్పున ఆరు రోజుల పాటు రిలీజ్ చేస్తామని చిత్రయూనిట్ తెలిపింది. దీనిలో భాగంగా ఇవాళ " మిర మిర మీసం " సాంగ్‌ను రిలీజైంది.

"నాయకుడై నడిపిస్తాడు" అంటూ సాగే ఈ సాంగ్ పవన్ ఫుల్ టైం పాలిటిక్స్‌లోకి వస్తున్న నేపథ్యంలోనే ఈ పవర్‌ఫుల్ సాంగ్‌ని పవర్‌ఫుల్‌గా డిజైన్ చేశారని అనిపిస్తుంది. ఈ పాటను జనసేన కార్యకర్తలు బాగా యూజ్ చేసుకుంటారనడంలో సందేహం లేదు.  ఈ పాటను 4 వందల మంది డాన్సర్లతో గ్రాండ్‌గా చిత్రీకరించారట. గోపాలా గోపాలాకి అదిరిపోయే మ్యూజిక్ ఇచ్చిన అనూప్ రూబెన్స్ పవన్ తనపై ఉంచిన నమ్మకాన్ని నిలబెట్టుకున్నాడు. ఈ సినిమాని నార్త్‌ స్టార్ ఎంటర్‌టైన్‌మెంట్ బ్యానర్‌పై శరర్ మరార్ నిర్మిస్తుండగా..డాలీ దర్శకత్వం వహిస్తున్నాడు. ఈ మూవీని మార్చి 24న రిలీజ్ చేయనున్నారు.