చైల్డ్ ఆర్టిస్ట్ గా హిందీలోఎన్నో హిట్ చిత్రాల్లో నటించిన హన్సిక(Hansika Motwani)2007లో 'ఐకాన్ స్టార్ అల్లుఅర్జున్'(Allu Arjun),దర్శకుడు పూరి జగన్నాధ్(Puri Jagannadh)ల కాంబినేషన్ లో వచ్చిన 'దేశముదురు' ద్వారా హీరోయిన్ గా తెరంగ్రేటమ్ చేసింది. మొదటి సినిమాతోనే బెస్ట్ డెబ్యూ ఫిమేల్ కేటగిరిలో ఫిలింఫేర్ అవార్డుని సొంతం చేసుకుంది. ఆ తర్వాత  కంత్రి, బిల్లా, కందిరీగ, దేనికైనా రెడీ, పవర్ వంటి పలు చిత్రాల్లో నటించి అశేష అభిమానులని సొంతం చేసుకుంది. తమిళ, కన్నడ భాషల్లోను పలు చిత్రాల్లో నటిస్తు తన సత్తా చాటుతు వస్తుంది.

2022 లో 'సోహెల్ కౌట్రియ'(Sohael Khaturiya)అనే ఒక బిజినెస్ ఎంటర్ ప్యునర్ ని హన్సిక ప్రేమ వివాహం చేసుకుంది. ఈ వివాహంపై 'హన్సికాస్ లవ్ షాదీ డ్రామా' అనే పేరుతో వెబ్ సిరీస్ కూడా విడుదలవ్వగా, హన్సిక, సోహెల్ లే ప్రధాన పాత్రల్లో నటించారు. ప్రస్తుతం హన్సిక, సోహెల్ విడివిడిగా ఉంటున్నారని, త్వరలోనే విడాకులు కూడా తీసుకోబోతున్నారనే  ప్రచారం కొన్ని రోజుల నుంచి జరుగుతుంది.  సోహెల్ ఈ వార్తలని ఖండించాడు. హన్సిక మాత్రం ఎక్కడా స్పందించిన దాఖలాలు లేవు. రీసెంట్ గా హన్సిక సోషల్ మీడియా లో ఉన్న తమపెళ్లి ఫోటోలు డిలీట్ చేసింది. దీంతో  విడాకుల వార్తలకి మరింత బలాన్ని చేకూర్చినట్టయ్యింది. హన్సిక కి కంటే ముందుకు సోహెల్ కి 2016 లో రింకీ అనే అమ్మాయితో  వివాహం జరిగింది. ఆ తర్వాత ఇద్దరు  విడాకులు తీసుకున్నారు.

కెరీర్ పరంగా చూసుకుంటే హన్సిక గత ఏడాది తమిళంలో తెరకెక్కిన హర్రర్ ఫిలిం 'గార్డియన్' తో ప్రేక్షకుల ముందుకు వచ్చింది. ఈ చిత్రం తెలుగులో కూడా విడుదలై హన్సిక ని మంచి పేరు తీసుకొచ్చింది. ప్రస్తుతం 'శ్రీ గాంధారి'(Sri Gandhari)అనే మరో తమిళ హర్రర్ మూవీలో, డ్యూయల్ రోల్ లో తన సత్తా చాటడానికి సిద్దమవుతుంది. ఒక క్యారక్టర్ లో 'హిందూ ట్రస్ట్ కమిటీ హెడ్ ఆఫీసర్' గా కనిపించనుంది. షూటింగ్ దశలో ఉన్న ఈ మూవీ డిసెంబర్ లో విడుదల కాబోతుంది. ఇతర ప్రాజెక్ట్స్ కూడా చర్చల దశలో ఉన్నాయి.