ఈ రోజు సూపర్ స్టార్ మహేష్ బాబు(Mahesh Babu)బర్త్ డే. అభిమానులకి పండుగ రోజు. ఆగస్టు 9 1975 న జన్మించిన మహేష్ ఈ రోజుతో యాభై సంవత్సరాలని పూర్తి చేసుకున్నాడు. ఈ సందర్భంగా పలువురు సినీ ప్రముఖులు మహేష్ కి బర్త్ డే విషెస్ చెప్తున్నారు. 

మెగాస్టార్ 'చిరంజీవి'(Chiranjeevi)ఎక్స్ వేదికగా స్పందిస్తు 'యాభైయ్యవ పుట్టిన రోజు శుభాకాంక్షలు మహేష్. తెలుగు సినిమా పరిశ్రమకి మీరు గర్వ కారణం.ఏళ్ళు గడిచే కొద్దీ యంగ్ అవుతున్నావు. నువ్వు ఎప్పుడు ఆనందంగా ఉండాలని ప్రార్థిస్తున్నాను అని ట్వీట్ చేసాడు. ఈ ట్వీట్ చిరు,మహేష్ అభిమానులని విశేషంగా ఆకర్షిస్తుంది. చిరు,మహేష్ ల మధ్య సుదీర్ఘ కాలం నుంచి మంచి అనుబంధం ఉంది. మహేష్ చాలా సందర్భాల్లో మాట్లాడుతు చిరంజీవి గారంటే నాకు చాలా  గౌరవం, నా కెరీర్ కి ఇన్స్పిరేషన్. నా ప్రతి సినిమా రిలీజ్ రోజున, ఫస్ట్ ఫోన్ కాల్ చిరంజీవి గారి దగ్గర్నుంచే వస్తుంది. మూవీ ఎలా ఉందో రిజల్ట్ చెప్పేస్తారని  మహేష్ చాలా సార్లు చెప్పాడు. వెంకటేష్(venkatesh),ఎన్టీఆర్(Ntr)తో పాటు ఇతర సినీ ప్రముఖులు కూడా 'ఎక్స్' వేదికగా మహేష్ కి బర్త్ డే విషెస్ చెప్పారు. 

ఇక మహేష్ బర్త్ డే సందర్భాన్ని పురస్కరించుకొని అభిమానులు ఎప్పట్నుంచో ఎదురుచూస్తున్న   SSMB29'నుంచి ప్రీ లుక్ పోస్టర్ విడుదలైంది. సదరు పోస్టర్ లో మహేష్(ఫేస్ రివీల్ చెయ్యలేదు)  శివభక్తుడని సూచించేలా మెడలో త్రిశూల రుద్రాక్ష మాల ధరించి ఉన్నాడు. శరీరంపై నెత్తుటి దార కనిపిస్తోంది. వస్త్రధారణ కూడా విభిన్నంగా ఉంది. ఈ ఒక్క పోస్టర్ తో  మహేష్ ని రాజమౌళి(Ss Rajamouli)అత్యంత శక్తివంతంగా, మునుపెన్నడూ చూడని కొత్త అవతారంలో చూపించబోతున్నాడని అర్థమవుతోంది. ఫస్ట్ లుక్ నవంబర్ లో విడుదల కానుంది.