ఐకాన్ స్టార్ అల్లు అర్జున్ (Allu Arjun) క్రేజ్ గురించి ప్రత్యేకంగా చెప్పాల్సిన అవసరం లేదు. కేరళలో ఆయనకున్న అభిమాన బలగం టాలీవుడ్ హీరోలందరిలోకి అత్యంత ప్రత్యేకం. అందుకే అక్కడి వారు బన్నీని ఎంతో ప్రేమగా 'మల్లు అర్జున్' అని పిలుచుకుంటారు. దాదాపు రెండు దశాబ్దాల క్రితం, అంటే 2006లో ఎ. కరుణాకరణ్ దర్శకత్వంలో అల్లు అర్జున్, జెనీలియా ప్రధాన పాత్రల్లో నటించిన క్లాసిక్ రొమాంటిక్ కామెడీ ఎంటర్‌టైనర్ 'హ్యాపీ'. గీతా ఆర్ట్స్ బ్యానర్‌పై వచ్చిన ఈ చిత్రం అప్పట్లో యువతను ఎంతగానో ఆకట్టుకుంది. మలయాళంలో 'హ్యాపీ బీ హ్యాపీ' పేరుతో డబ్ అయి, అక్కడ దాదాపు 175 రోజులకు పైగా ప్రదర్శితమై సరికొత్త రికార్డులు సృష్టించింది. కేరళలో అల్లు అర్జున్‌కు తిరుగులేని మార్కెట్‌ను, భారీ ఫ్యాన్ బేస్‌ను క్రియేట్ చేయడంలో ఈ సినిమా అత్యంత కీలక పాత్ర పోషించింది. (Happy Re Release)

ఇప్పుడు సుమారు 20 ఏళ్ల తర్వాత, ఈ ఆల్‌టైమ్ బ్లాక్‌బస్టర్ సినిమా సరికొత్త 4K అప్‌గ్రేడెడ్ వెర్షన్‌తో జూన్ 11న కేరళ వ్యాప్తంగా గ్రాండ్‌గా రీ-రిలీజ్ అయింది. రెండు దశాబ్దాలు గడిచినా 'మల్లు అర్జున్' మేనియా ఏమాత్రం తగ్గలేదని నిరూపిస్తూ, కేరళ థియేటర్లలో ఎక్కడ చూసినా పండుగ వాతావరణం నెలకొంది. సాధారణంగా రీ-రిలీజ్ చిత్రాలకు పరిమిత ప్రదర్శనలు మాత్రమే ఉంటాయి, కానీ ఈ సినిమాకు మాత్రం సరికొత్త అగ్ర హీరోల చిత్రాల తరహాలో ఆడియన్స్ థియేటర్లకు క్యూ కడుతున్నారు. బాక్సాఫీస్ ట్రెండ్స్ ప్రకారం, ఈ 4K రీ-రిలీజ్ వెర్షన్ మొదటి రోజే కేరళలో సుమారు 27 నుండి 30 లక్షల రూపాయల భారీ గ్రాస్ వసూళ్లను సాధించి అందరినీ ఆశ్చర్యపరిచింది. ఈ కలెక్షన్ల జోరు చూస్తుంటే టోటల్ రన్‌లో ఈ చిత్రం సులభంగా 2 కోట్ల రూపాయల మార్కును అందుకోవచ్చని ట్రేడ్ వర్గాలు అంచనా వేస్తున్నాయి.

ఈ రీ-రిలీజ్ హడావుడిలో మరో ఆసక్తికరమైన ఘట్టం చోటుచేసుకుంది. మలయాళ ప్రముఖ యువ నటి, 'ఛాంపియన్' ఫేమ్ అనస్వర రాజన్ (Anaswara Rajan) తన సోదరి ఐశ్వర్య రాజన్ మరియు స్నేహితులతో కలిసి కేరళలోని ఒక థియేటర్‌లో ఈ సినిమాను వీక్షించారు. థియేటర్‌కు వచ్చిన ఆమె సాధారణ ప్రేక్షకులు, అభిమానులతో కలిసి సీట్లలో కూర్చోకుండా స్క్రీన్ ముందుకు వెళ్లి సందడి చేశారు. సంగీత దర్శకుడు యువన్ శంకర్ రాజా అందించిన చార్ట్‌బస్టర్ సాంగ్ "వస్సా రే వస్సా రే" వస్తున్న సమయంలో, అనస్వర రాజన్ ఫ్యాన్స్‌తో కలిసి ఊగిపోతూ మాస్ డ్యాన్స్ చేశారు. దీనికి సంబంధించిన వీడియోలు ప్రస్తుతం సోషల్ మీడియా ప్లాట్‌ఫామ్స్‌లో విపరీతంగా వైరల్ అవుతున్నాయి. ఆమెతో పాటు మరో మలయాళ నటి అన్నా ప్రసాద్ సైతం థియేటర్ స్క్రీన్ ముందు డ్యాన్స్ చేసి హ్యాపీ వైబ్స్‌ను ఎంజాయ్ చేశారు.

చిన్నప్పటి నుండి తాను అల్లు అర్జున్ సినిమాలను చూస్తూ పెరిగానని, ఆయనకు తాను పెద్ద అభిమానిని అని అనస్వర రాజన్ గతంలో చెప్పిన మాటలు ఈ డ్యాన్స్ వీడియోతో అక్షరాలా నిజమని రుజువైంది. థియేటర్లు కాస్తా లైవ్ మ్యూజిక్ కాన్సర్ట్ హాల్స్‌లా మారిపోయాయని నెటిజన్లు కామెంట్లు పెడుతున్నారు. కేరళ ఆడియన్స్ అల్లు అర్జున్ నెక్స్ట్ మోస్ట్ ఎవైటెడ్ ప్రాజెక్ట్ 'రాకా' (Raaka) కోసం ఎంతగానో ఎదురుచూస్తున్నామని థియేటర్ల వద్ద కేకులు కట్ చేసి తమ అభిమానాన్ని చాటుకుంటున్నారు. ఏదేమైనా, ఒక టాలీవుడ్ పాత సినిమాకు కేరళలో ఈ స్థాయి ఓపెనింగ్స్, సెలబ్రిటీల డ్యాన్స్ హంగామా చూస్తుంటే 'మల్లు అర్జున్' రేంజ్ ఏంటో మరోసారి స్పష్టమైంది.

https://www.instagram.com/reel/DZhY0ltzOLu/