టాలీవుడ్ లో ఎప్పుడు ఏ క్షణంలో సమీకరణాలు మారిపోతాయో ఊహించడం చాలా కష్టం. అగ్ర హీరోల ప్రాజెక్టుల లైనప్, వాటి షూటింగ్ వేగం ఆధారంగా రిలీజ్ డేట్స్ లో ఊహించని మార్పులు చోటుచేసుకోవడం ఇండస్ట్రీలో సర్వసాధారణమైన విషయం. ప్రస్తుతం టాలీవుడ్ ఇండస్ట్రీ సర్కిల్స్ లో వినిపిస్తున్న లేటెస్ట్ బజ్ ప్రకారం.. మెగాస్టార్ చిరంజీవి, విక్టరీ వెంకటేష్ నటిస్తున్న అప్ కమింగ్ క్రేజీ ప్రాజెక్టులకు సంబంధించి ఒక ఆసక్తికరమైన చర్చ నడుస్తోంది. ఎంతో కాలంగా ఎదురుచూస్తున్న పెద్ద ప్రాజెక్టుల కంటే ముందే, ఈ స్టార్ హీరోలు లైన్ లో పెట్టిన ఇతర దర్శకుల సినిమాలు థియేటర్లలోలోకి వచ్చే అవకాశాలు గట్టిగా కనిపిస్తున్నాయని ఫిల్మ్ నగర్ టాక్. ఈ పరిణామాలు మెగా ఫ్యాన్స్ తో పాటు విక్టరీ వెంకటేష్ అభిమానుల్లో కూడా తీవ్ర ఉత్కంఠను రేకెత్తిస్తున్నాయి.

ముందుగా మెగాస్టార్ చిరంజీవి (Chiranjeevi) ప్రాజెక్టుల విషయానికి వస్తే, మల్లిడి వశిష్ట దర్శకత్వంలో యూవీ క్రియేషన్స్ నిర్మిస్తున్న భారీ సోషియో ఫాంటసీ చిత్రం ‘విశ్వంభర’ (Vishwambhara) కోసం అభిమానులు ఎంతోకాలంగా ఎదురుచూస్తున్నారు. ఈ చిత్రం కోసం భారీ ఎత్తున విజువల్ ఎఫెక్ట్స్ (VFX), గ్రాఫిక్స్ పనులను మేకర్స్ ఎంతో క్వాలిటీతో ప్లాన్ చేస్తున్నారు. అయితే, తాజా ట్రేడ్ టాక్ ప్రకారం, మెగాస్టార్ చిరంజీవి – డైరెక్టర్ బాబీ కాంబినేషన్ లో తెరకెక్కుతోన్న సరికొత్త యాక్షన్ ఎంటర్టైనర్ చిత్రం 'మెగా 158', ‘విశ్వంభర’ కంటే ముందే ప్రేక్షకుల ముందుకు వచ్చేందుకు లైన్ క్లియర్ చేసుకుంటోందని సమాచారం. విశ్వంభర సినిమాకు సంబంధించిన విజువల్ ఎఫెక్ట్స్ పనులు మరియు పోస్ట్ ప్రొడక్షన్ వర్క్ పూర్తి కావడానికి మరింత సమయం పట్టే అవకాశం ఉండటంతో, ఈ లోపు బాబీ డైరెక్షన్ లో చేసే ప్రాజెక్టును వేగంగా పూర్తి చేసి థియేటర్లలోకి దించాలని మేకర్స్ ప్లాన్ చేస్తున్నట్లు గట్టిగా వినబడుతోంది. 'మెగా 158'ను 2027 సంక్రాంతికి విడుదల చేయాలని మేకర్స్ టార్గెట్ గా పెట్టుకున్నారు.

మరోవైపు విక్టరీ వెంకటేష్ (Venkatesh) లైనప్ లో కూడా ఇలాంటి ఆసక్తికరమైన మార్పులే కనిపిస్తున్నాయి. మాటల మాంత్రికుడు త్రివిక్రమ్ శ్రీనివాస్ దర్శకత్వంలో వెంకటేష్ 'ఆదర్శ కుటుంబం హౌస్ నెం.47' (Aadarsha Kutumbam House No: 47) అనే సినిమా చేస్తున్న సంగతి తెలిసిందే. అయితే తాజాగా సక్సెస్ ఫుల్ డైరెక్టర్ అనిల్ రావిపూడి దర్శకత్వంలో వెంకటేష్, నందమూరి కల్యాణ్ రామ్ కాంబినేషన్ లో ఒక భారీ మల్టీస్టారర్ ఫ్యామిలీ ఎంటర్టైనర్ అఫీషియల్ గా లాంచ్ అయ్యింది. ఈ చిత్రానికి షైన్ స్క్రీన్స్ బ్యానర్ నిర్మిస్తుండగా, జూన్ లోనే షూటింగ్ పనులు ప్రారంభం కానున్నాయి. ఇండస్ట్రీ వర్గాల సమాచారం ప్రకారం.. త్రివిక్రమ్ సినిమా కంటే ముందే అనిల్ రావిపూడి డైరెక్షన్ లో తెరకెక్కే ఈ కొత్త ప్రాజెక్ట్ చకచకా షూటింగ్ పూర్తి చేసుకుని థియేటర్లలోలోకి రానుంది. అనిల్ రావిపూడి మార్క్ స్పీడ్ తో ఈ సినిమా సంక్రాంతి కానుకగా విడుదల చేయడానికి మేకర్స్ గట్టిగా ప్లాన్ చేస్తుండటంతో, త్రివిక్రమ్ తో వెంకీ చేయబోయే సినిమా కొంచెం ఆలస్యం కానుందని న్యూస్ వినిపిస్తోంది.

ఇలా ఇద్దరు సీనియర్ స్టార్ హీరోల సినిమాలు ఒకదాని కంటే ఒకటి ముందుగా రిలీజ్ రేసులోకి రావడం బాక్సాఫీస్ వద్ద కొత్త సమీకరణాలకు దారితీస్తోంది. చిరంజీవి-బాబీ కాంబినేషన్ కు ఉన్న క్రేజ్, అలాగే వెంకటేష్-అనిల్ రావిపూడి ల సక్సెస్ ట్రాక్ రికార్డ్ చూస్తుంటే ఈ రెండు సినిమాలు బాక్సాఫీస్ వద్ద వసూళ్ల ప్రభంజనం సృష్టించడం ఖాయమని ట్రేడ్ నిపుణులు అంచనా వేస్తున్నారు. రాబోయే రోజుల్లో ఈ ప్రాజెక్టుల అఫీషియల్ రిలీజ్ డేట్స్ పై మరింత స్పష్టత వచ్చే అవకాశం ఉంది.