టాలీవుడ్ బాక్సాఫీస్ దగ్గర ఎప్పుడూ లేనంతటి ఒక భారీ ప్రకంపన సృష్టించే క్రేజీ అప్‌డేట్ ఇప్పుడు ఫిల్మ్ నగర్ సర్కిల్స్‌లో హాట్ టాపిక్‌గా మారింది. పవర్ స్టార్ పవన్ కళ్యాణ్ (Pawan Kalyan) భారీ గ్యాంగ్‌స్టర్ యాక్షన్ డ్రామా 'OG' చిత్రానికి సీక్వెల్‌గా 'OG 2' రాబోతున్న సంగతి తెలిసిందే. అయితే ఈ సీక్వెల్‌ లోకి రెబల్ స్టార్ ప్రభాస్ (Prabhas) ఎంట్రీ ఇవ్వబోతున్నారనే సరికొత్త లీక్ ఇప్పుడు ఇండస్ట్రీని షేక్ చేస్తోంది. ఒకవేళ ఇదే గనుక నిజమైతే మాత్రం తెలుగు సినిమా చరిత్రలోనే ఇదొక బిగ్గెస్ట్ మల్టీస్టారర్ మూమెంట్‌గా మిగిలిపోవడం ఖాయం. పవర్ స్టార్ మరియు రెబల్ స్టార్ ఒకే స్క్రీన్‌పై కనిపిస్తే థియేటర్లలో పూనకాలు రావడం గ్యారెంటీ అని ఫ్యాన్స్ ఇప్పటి నుంచే కాలర్స్ ఎగరేస్తున్నారు.

ఈ మైండ్ బ్లోయింగ్ ప్రాజెక్ట్ వెనుక ఉన్న అసలు సూత్రధారి యంగ్ అండ్ టాలెంటెడ్ డైరెక్టర్ సుజీత్. ప్రస్తుతం విదేశాల్లో స్క్రిప్ట్ వర్క్‌ లో బిజీగా ఉన్న సుజీత్, మరో 10 రోజుల్లో ఇండియాకు తిరిగి రానున్నారు. ఆయన వచ్చిన వెంటనే నేరుగా పవన్ కళ్యాణ్‌ను కలిసి 'OG 2' ఫుల్ స్క్రిప్ట్‌ ను నరేట్ చేయబోతున్నట్లు తెలుస్తోంది. ఇప్పటికే ఈ సినిమాకు సంబంధించి కేవలం ఫైనల్ నరేషన్ మాత్రమే పెండింగ్‌లో ఉందని, పవన్ కళ్యాణ్ గ్రీన్ సిగ్నల్ ఇవ్వడమే ఆలస్యం ప్రాజెక్ట్ అఫీషియల్‌గా ఎనౌన్స్ అవుతుందని సమాచారం. 'OG' పార్ట్ వన్ లోనే సుజీత్ తన గత చిత్రం 'సాహో' కథకు, ఈ 'ఓజీ' కథకు ఒక ఇంటర్‌లింక్ పెట్టేసాడనే టాక్ బలంగా నడుస్తోంది. ఇప్పుడు ఆ కనెక్షన్‌ను మరింత పెంచుతూ 'OG 2' లో ప్రభాస్ చేత ఒక పవర్‌ఫుల్ స్పెషల్ అప్పియరెన్స్ ఇప్పించేందుకు సుజీత్ ఒక నెక్స్ట్ లెవెల్ స్క్రిప్ట్‌ను సిద్ధం చేశారట. ఈ భారీ 'సాహో' క్రాస్ ఓవర్ తో టాలీవుడ్‌ లోనే ఒక సరికొత్త సినిమాటిక్ యూనివర్స్ క్రియేట్ కాబోతోంది.

ఈ ప్రతిష్టాత్మక ప్రాజెక్ట్‌కు సంబంధించిన టైమ్‌లైన్ కూడా ఇప్పటికే దాదాపు ఫిక్స్ అయిపోయింది. ఇటీవల పవన్ కళ్యాణ్ టీమ్ ఈ సినిమా సీక్వెల్‌ను కన్ఫర్మ్ చేయగా, మేకర్స్ రాబోయే సెప్టెంబర్ నెలలో అధికారికంగా ఈ సినిమాను అనౌన్స్ చేయాలని భావిస్తున్నారు. ఆ తర్వాత కేవలం రెండు నెలల గ్యాప్‌ లోనే, అంటే నవంబర్ నుంచి 'OG 2' రెగ్యులర్ షూటింగ్‌ను పట్టాలెక్కించేలా పక్కా ప్లానింగ్‌తో ఉన్నారు. పవన్ కళ్యాణ్ పవర్‌ఫుల్ గ్యాంగ్‌స్టర్ లుక్‌ కు తోడు, ప్రభాస్ 'సాహో' క్యారెక్టర్ తో క్యామియో తోడైతే బాక్సాఫీస్ రికార్డులన్నీ తుడిచిపెట్టుకుపోవడం ఖాయం. సుజీత్ సృష్టించబోయే ఈ బిగ్గెస్ట్ యాక్షన్ విజువల్ వండర్ కోసం ఇరు హీరోల అభిమానులు ఇప్పటి నుంచే వేల కళ్లతో ఎదురుచూస్తున్నారు.