- ఇండియన్ సినిమా చరిత్రలో ఫస్ట్ టైమ్ 

- ‘ధురంధ‌ర్’ స్పెషల్ ఎడిషన్ కోసం భారీ ప్లాన్!

- మ‌రోసారి థియేట‌ర్ల‌లో ర‌చ్చ చేయ‌బోతున్న ‘ధురంధ‌ర్’

బాలీవుడ్ ఎనర్జిటిక్ స్టార్ రణవీర్ సింగ్ మరియు టాలెంటెడ్ డైరెక్టర్ ఆదిత్య ధర్ కాంబినేషన్‌లో వస్తున్న భారీ యాక్షన్ ఎంటర్టైనర్ ‘ధురంధ‌ర్’ . ప్రస్తుతం ఈ సినిమాకు సంబంధించి సోషల్ మీడియాలో ఒక వార్త తెగ హ‌ల్‌చ‌ల్ చేస్తోంది. సాధారణంగా మన సినిమాల నిడివి రెండున్నర నుంచి మూడు గంటల వరకు ఉంటుంది. కానీ, ‘ధురంధ‌ర్’ విషయంలో మాత్రం మేకర్స్ ఎవరూ ఊహించని ఒక సాహసోపేతమైన నిర్ణయం తీసుకోబోతున్నట్లు సమాచారం.

సినీ వర్గాల సమాచారం ప్రకారం.. ‘ధురంధ‌ర్’  సినిమాను రెండు భాగాలుగా (ధురంధ‌ర్, ధురంధ‌ర్: ది రివెంజ్) తెర‌కెక్కిన సంగతి తెలిసిందే. అయితే, ఈ రెండు భాగాలను కలిపి ఏకంగా 7 గంటల 30 నిమిషాల నిడివి గల ‘డైరెక్టర్స్ కట్’ వెర్షన్‌ను విడుదల చేయడానికి ప్లాన్ చేస్తున్నారట. అంటే దాదాపు ఒక రోజులో మూడో వంతు సమయం ఈ సినిమా కోసమే కేటాయించాల్సి ఉంటుంది. ఒకే సినిమాను ఇంత సుదీర్ఘ కాలం పాటు వెండితెరపై ప్రదర్శించడం అనేది భారతీయ చలనచిత్ర చరిత్రలోనే ఒక అరుదైన రికార్డుగా నిలిచిపోనుంది.

ఈ భారీ ఎక్స్‌టెండెడ్ వెర్షన్‌ను సాధారణ థియేటర్లలో కాకుండా కేవలం IMAX, DC, HDR మరియు EPIQ వంటి ప్రీమియం లార్జ్ ఫార్మాట్ స్క్రీన్లలో మాత్రమే ప్రదర్శించనున్నట్లు తెలుస్తోంది. దర్శకుడు ఆదిత్య ధర్ తాను షూట్ చేసిన ప్రతి ముఖ్యమైన సీన్‌ను, ఎడిటింగ్‌లో తీసేసిన కీలక సన్నివేశాలను కూడా ఈ స్పెషల్ వెర్షన్‌లో చేర్చబోతున్నారట. హాలీవుడ్ లెజెండరీ చిత్రాలకు ఉండేలాగా, ఇండియన్ ప్రేక్షకులకు కూడా ఒక సరికొత్త సినిమాటిక్ ఎక్స్పీరియన్స్ ఇవ్వాలనేది మేకర్స్ ఆలోచనగా కనిపిస్తోంది.

గతంలో హాలీవుడ్‌లో ‘జస్టిస్ లీగ్’ వంటి చిత్రాలకు ఇలాంటి డైరెక్టర్స్ కట్ వెర్షన్లు రావడం మనం చూశాం. కానీ ఇండియన్ సినిమాలో ఇంతటి సుదీర్ఘమైన నిడివితో సినిమా రావడం ఇదే తొలిసారి కావచ్చు. రణవీర్ సింగ్ తన కెరీర్‌లోనే అత్యంత పవర్‌ఫుల్ రోల్‌లో న‌టించిన సినిమా ఇది. ఆదిత్య ధర్ మేకింగ్ స్టైల్, భారీ యాక్షన్ సీక్వెన్సులు ఈ 7.5 గంటల వెర్షన్‌లో ఎలా ఉంటాయోనని ఫ్యాన్స్ ఆత్రుతగా ఎదురుచూస్తున్నారు.

ప్రస్తుతానికి దీనిపై చిత్ర యూనిట్ నుంచి ఎలాంటి అధికారిక ప్రకటన వెలువడలేదు. ఒకవేళ ఈ వార్త నిజమైతే, ప్రేక్షకులు థియేటర్లలో అంతసేపు ఎలా కూర్చుంటారు? మధ్యలో ఎన్ని విరామాలు ఇస్తారు? అనే ఆసక్తికర చర్చలు నెట్టింట మొదలయ్యాయి. రణవీర్ ఫ్యాన్స్ మాత్రం ఈ ‘మెగా మూవీ’ కోసం ఇప్పుడే సిద్ధమైపోతున్నారు. మరి ఈ క్రేజీ అప్‌డేట్‌పై క్లారిటీ రావాలంటే మరికొన్ని రోజులు ఆగాల్సిందే!