టాలీవుడ్ అందాల భామ రాశీ ఖన్నా త్వరలోనే ఒక పవర్ఫుల్ రోల్తో డిజిటల్ స్క్రీన్పై సందడి చేసేందుకు సిద్ధమైంది. ఇప్పటివరకు గ్లామరస్ పాత్రలతో మెప్పించిన ఈ ముద్దుగుమ్మ, ఈసారి ఖాకీ దుస్తులు ధరించి మాస్ లుక్లో అలరించబోతోంది. ఆమె ప్రధాన పాత్రలో నటించిన లేటెస్ట్ క్రైమ్ థ్రిల్లర్ వెబ్ సిరీస్ 'లుఖ్కే' స్ట్రీమింగ్ వివరాలు ఇప్పుడు నెట్టింట వైరల్ అవుతున్నాయి.
ప్రముఖ ఓటీటీ ప్లాట్ఫారమ్ అమెజాన్ ప్రైమ్ వీడియో వేదికగా ఈ సిరీస్ ప్రేక్షకుల ముందుకు రానుంది. మే 8వ తేదీ నుంచి 'లుఖ్కే' స్ట్రీమింగ్ ప్రారంభం కాబోతున్నట్లు చిత్ర యూనిట్ అధికారికంగా వెల్లడించింది. హిమాంక్ గౌర్ దర్శకత్వంలో రూపుదిద్దుకున్న ఈ సిరీస్, తీవ్రమైన క్రైమ్ ఎలిమెంట్స్తో కూడిన ఇన్వెస్టిగేషన్ డ్రామాగా సాగనుంది.
పంజాబ్ రాష్ట్రంలో వేళ్లూనుకున్న డ్రగ్ మాఫియా నేపథ్యంలో ఈ కథను మలిచారు. ఇందులో రాశీ ఖన్నా 'గుర్బానీ' అనే సిన్సియర్ పోలీస్ ఆఫీసర్ పాత్రలో కనిపించబోతున్నారు. డ్రగ్స్ నెట్వర్క్ను ఛేదించడానికి ఆమె చేసే పోరాటం, ఈ క్రమంలో ఎదురయ్యే సవాళ్లు సిరీస్లో ప్రధాన ఆకర్షణగా నిలవనున్నాయి. రాశీతో పాటు టాలెంటెడ్ బ్యూటీ పాలక్ తివారీ కూడా ఈ సిరీస్లో ఒక కీలక పాత్రలో మెరవనుంది.
తన పాత్ర గురించి రాశీ ఖన్నా మాట్లాడుతూ ఆసక్తికర వ్యాఖ్యలు చేశారు. "చాలా భాషల్లో సినిమాలు చేసినా, పంజాబీ మూలాలు ఉన్న పాత్రలో నటించడం నాకు సొంత ఇంటికి వెళ్ళిన అనుభూతిని ఇచ్చింది. గుర్బానీ పాత్ర చాలా ఎమోషనల్గా సాగుతుంది" అని ఆమె పేర్కొన్నారు. గతంలో 'ఫర్జీ' వంటి హిట్ సిరీస్లతో ఓటీటీ ప్రేక్షకులను ఆకట్టుకున్న రాశీకి, ఈ ప్రాజెక్ట్ మరో మైలురాయిగా నిలుస్తుందని విశ్లేషకులు భావిస్తున్నారు.
ప్రస్తుతం సోషల్ మీడియాలో 'లుఖ్కే'పై భారీ అంచనాలు నెలకొన్నాయి. రాశీ ఖన్నాను కంప్లీట్ యాక్షన్ మోడ్లో చూడాలని ఆమె అభిమానులు ఎంతో ఆసక్తిగా ఎదురుచూస్తున్నారు. ఇప్పటికే విడుదలైన పోస్టర్లు, టీజర్ నెట్టింట భారీ వ్యూస్ సాధించాయి.
.WEBP)
