నటుడు మోహన్ బాబు యముడిగా నటిస్తున్న తాజా చిత్రం "యమలీల2". ఎస్వీ కృష్ణారెడ్డి దర్శకత్వంలో తెరకెక్కుతున్న ఈ చిత్ర ఫస్ట్ లుక్ విడుదల కార్యక్రమం మంగళవారం రాత్రి హైదరాబాదులో జరిగింది. ఈ కార్యక్రమంలో మోహన్ బాబు తన పద్మశ్రీపై ఘాటుగా స్పందించాడు. ఈ కార్యక్రమంలో మోహన్ బాబుని వేదికపై పిలుస్తూ.."పద్మశ్రీ మోహన్ బాబు" అని పిలవడంతో మోహన్ బాబు అసంతృప్తి చెంది సమాధానంగా... "పద్మశ్రీ ని మోహన్ బాబు తీసుకొచ్చాడు. అంతేకానీ మోహన్ బాబుని పద్మశ్రీ తీసుకురాలేదు. మోహన్ బాబు మంచి నటుడు అని అనుకుంటే చాలు. ఈ బిరుదులు పెద్ద విషయం కాదు. అయినా ఇది అప్రస్తుతం. కేసు కోర్టులో ఉంది వదిలేయండి" అంటూ అన్నారు.