మన కేఏ పాల్ లాంటి పెద్దమనిషి కెనడాలో కూడా ఒకాయన వున్నాడు. ఆయన పేరు హామెల్. ఎలక్షన్లలో పోటీ చేయడం, అదిరిపోయే లెవల్లో ప్రచారం చేయడం, చివరికి ఓడిపోవడం. ఇది ఆయనకి బాగా అలవాటు. లేటెస్ట్.గా టొరంటో పార్లమెంట్ స్థానానికి ఉప ఎన్నిక జరిగింది. హామెల్ కూడా ఈ ఉప ఎన్నికలో పోటీ చేశాడు. రిజల్ట్స్ వచ్చాక ఆయనకి వచ్చిన ఓట్లు చూసి అందరూ బిత్తరపోయారు. ఏంటీ.. ఆయన గెలిచారని అనుకుంటున్నారా? ఆయనకి అంత సీను లేదు. మన కెనడా కేఏ పాల్‌కి ఆ ఎలక్షన్స్.లో జీరో ఓట్లు వచ్చాయి.. అవునండీ, కనీసం ఒక్క ఓటు కూడా రాలేదు. అదేంటీ? కనీసం ఆయన ఓటైనా ఆయనకు పడాలి కదా అనుకుంటున్నారా? అది కుదరదండీ.. ఎందుకంటే, ఆయన లోకల్ సిటిజన్ కాదు.. అందువల్ల టొరంటో నియోజకవర్గంలో ఆయనకు ఓటు లేదు. హామెల్‌కి ఒక్క ఓటు కూడా పడకపోవడం కెనడాలో ఒక రికార్డుగా మారింది. ఇప్పటి వరకు కెనడాలో జరిగిన ఏ ఎలక్షన్‌లో కూడా ఎవరికీ జీరో ఓట్లు రాలేదట. అలా జీరో ఓట్లు సాధించిన మన కెనడా కేఏ పాల్... కొత్త రికార్డు క్రియేట్ చేసిన హీరో అయ్యాడు. మరి, మన కేఏ పాల్ సారు ఎప్పుడు హీరో అవుతారో!