బిగ్ బి,  బాలీవుడ్ సూపర్‌స్టార్ అమితాబ్ బచ్చన్  ఆరోగ్య పరిస్థితిపై సర్వత్రా ఆందోళన వ్యక్తం అవుతోంది. సామాజిక మాధ్యమ వేదికగా అమితాబ్ బచ్చన్ షేర్ చేసిన ఒక  పోస్టు  ఇందుకు కారణం. సోషల్ మీడియాలో యాక్టివ్ గా ఉండే అమితాబ్..    తన ఆరోగ్యం,  ఆసుపత్రి అనుభవాల గురించి తాజాగా నెట్టింట షేర్ చేసిన పోస్టు ఆయన అభిమానులను, సినీ వర్గాలనూ కలవరానికి గురి చేసింది.   ఆసుపత్రి వాతావరణం, శస్త్రచికిత్స, అనంతరం ఐసీయూలో   వైద్యుల నిరంతర పర్యవేక్షణ వంటి కష్టతరమైన దశలను ఆయన తన పోస్టులో పేర్కొన్నారు.  శస్త్రచికిత్స పూర్తయిన తర్వాత డిశ్చార్జ్ అయి ఇంటికి చేరుకోవడం వరకు జరిగిన ప్రయాణాన్ని వివరిస్తూ, కోలుకునే ప్రక్రియ మానసికంగా, శారీరకంగా ఎంతో సవాలుతో కూడుకున్నదన్నారు. 

శారీరక ఇబ్బందులు ఎదురైనప్పుడు ఓటమి భావన ముంచెత్తుతుందని,  ధైర్యంగా పోరాటం సాగించేవారే   విజేతలుగా నిలుస్తారని అమితాబ్ పేర్కొన్నారు.  దీంతో ప్రస్తుతం ఆయన ఆరోగ్యం ఎలా ఉందన్న ఆందోళన సర్వత్రా వ్యక్తం అవుతోంది. ఆయన ఆరోగ్య పరిస్థితి ప్రస్తుతం ఎలా ఉందోనన్న ఆందోళన అందరిలోనూ మొదలైంది.  ద గేమ్ హాస్ ఎండెడ్! బట్ ద వర్క్ ఈజ్ స్టిల్ గోయింగ్ ఆన్ (ఆట ముగిసింది, కానీ పని ఇంకా కొనసాగుతోంది) అంటూ ఆయన ఆ పోస్టులో పేర్కొనడంతో..   బిగ్ బీకి ఏమైంది? ఆయన మళ్లీ ఆసుపత్రిలో చేరారా? అన్న అనుమానాలు వ్యక్తం అవుతున్నాయి. 

 83 ఏళ్ల  అమితాబ్ బచ్చన్, గతంలోనూ పలు తీవ్రమైన ఆరోగ్య సవాళ్లను ఎదుర్కొన్నారు.  కూలీ సినిమా చిత్రీకరణ సమయంలో ఎదురైన ఘోర ప్రమాదం మొదలుకొని అనేక ఆరోగ్య సమస్యల నుంచి ఆయన  మనోధైర్యంతో బయటపడ్డారు. ప్రతిసారీ నూతన ఉత్సాహంతో కెమెరా ముందుకు వచ్చి  నట  విశ్వరూపాన్ని ప్రదర్శించి అభిమానులను అలరించారు.  ఈ నేపథ్యంలో అమితాబ్ తాజా పోస్ట్‌ దేశవ్యాప్తంగా ఉన్న ఆయన అభిమానుల్లో ఆందోళన రేపింది.

అమితాబ్ ఆరోగ్య పరిస్థితిపై నెట్టింట  ఆయన త్వరగా పూర్తి కోలుకోవాలని ఆకాంక్షిస్తున్నారు. గతంలో ఎదుర్కొన్న శస్త్రచికిత్సల అనుభవాలను ఆయన గుర్తుచేసుకుంటున్నారా లేదా ఇటీవలమళ్లీ అనారోగ్యానికి గురయ్యారా? అన్నదానిపై నెట్టింట రకరకాల విశ్లేషణలు వెల్లువెత్తుతున్నాయి. ఆరోగ్య సమస్య తలెత్తిందా అన్న విషయమై నెటిజన్లు రకరకాల విశ్లేషణలు చేస్తున్నారు. అమితాబ్   ఆరోగ్యానికి సంబంధించిన అఫీషియల్ గా తాజా అప్ డేట్ కోసం అమితాబ్ అభిమానులు, సినీ, రాజకీయ వర్గాలు ఎదురు చూస్తున్నాయి. 

Big B Tweet Viral,  Amitabh Hospital Surgery, Amitabh Bachchan Blog Post, Telugu One