తెలంగాణ తన జాగీరులాగా మాట్లాడే టీఆర్ఎస్ మునిసిపల్ ఎన్నికలలో అడ్డంగా ఆరిపోయింది. రంగారెడ్డి జిల్లా బడంగ్‌పేట మునిసిపాలిటీలో టీఆర్ఎస్ బుడుంగ్‌మని మునిగిపోయింది. అంటే అర్థం ఏంటంటే, ఈ మునిసిపాలిటీలో టీఆర్‌ఎస్‌ పార్టీకి ఒక్క కౌన్సిలర్ స్థానం కూడా దక్కలేదు. ఒక్క బడంగ్‌పేటలో మాత్రమే కాదు.. తెలంగాణలోని అనేక మునిసిపాలిటీలలో టీఆర్ఎస్ ఒక్క కౌన్సిలర్ స్థానాన్ని కూడా గెలుచుకోలేకపోయింది. ఖమ్మం, నల్గొండ, రంగారెడ్డి జిల్లాల్లోని ఏడు మునిసిపాలిటీలలో టీఆర్ఎస్‌కి ఒక్క కౌన్సిలర్ స్థానం కూడా దక్కలేదు. ఖమ్మం జిల్లాలోని సత్తుపల్లి, మధిర, నల్గొండ జిల్లాలోని భువనగిరి, కోదాడ, హుజూర్‌నగర్, రంగారెడ్డి జిల్లాలోని బడంగ్‌పేట్, పెద్ద అంబర్‌పేట్ మునిసిపాలిటీలలో టీఆర్ఎస్ మునిగిపోయింది.