తమిళనాడు అసెంబ్లీ ఎన్నికల ఫలితాల్లో ఊహించని పరిణామం చోటుచేసుకుంది. నటుడు విజయ్ స్థాపించిన  తమిళగ వెట్రి కళగం టీవీకే పార్టీ సంచలన విజయానికి చేరువలో ఉంది. తాజా ట్రెండ్స్ ప్రకారం.. తమిళనాట దశాబ్దాల ద్రవిడ రాజకీయాలకు గండి కొడుతూ విజయ్ పార్టీ మ్యాజిక్ ఫిగర్‌కు చేరువ అవుతోంది. ఒక వేళ మ్యాజిక్ ఫిగర్ చేరకపోయినా.. రాష్ట్రంలో సింగిల్ లార్జెస్ట్ పార్టీగా అవతరించడం ఖాయం.    చారిత్రాత్మక విజయం ఖాయమని తేలడంతో.. విజయం  అభిమానుల సంబరాలు మిన్నంటాయి. అయితే.. ఈ నేపథ్యంలో  సినీ నటి త్రిష పేరు సోషల్ మీడియాలో విపరీతంగా ట్రెండ్ అవుతోంది.

విజయ్,  త్రిషల మధ్య ఉన్న స్నేహం..  వారి ఆన్-స్క్రీన్ కెమిస్ట్రీ గురించి ప్రత్యేకంగా చెప్పనక్కర్లేదు. విజయ్ రాజకీయాల్లోకి వస్తున్నట్లు ప్రకటించినప్పటి నుండి త్రిష ఆయనకు మద్దతుగా నిలుస్తూ వచ్చారు.  ఇప్పుడు  టీవీకే పార్టీ ఘనవిజయాన్ని  త్రిష ఎలా సెలబ్రేట్ చేసుకుంటారనే ఆసక్తి నెటిజన్లలో పెరిగింది. వీరిద్దరూ కలిసి నటించిన  గిల్లి ,  లియో'చిత్రాల క్లిప్పింగ్స్‌ను విజయ్ ఫ్యాన్స్ షేర్ చేస్తూ,  రియల్ లైఫ్ విజయానికి రీల్ లైఫ్ జోడీ మద్దతు  అంటూ పోస్టులు పెడుతున్నారు. త్రిష కూడా విజయ్ విజయానికి సంబంధించి ఏదైనా పోస్ట్ పెడతారేమోనని నెటిజన్లు ఆతృతగా గాలిస్తున్నారు.