హైదరాబాద్‌లోని కేబీఆర్ పార్క్ పరిసర ప్రాంతాల్లో ట్రాఫిక్ రద్దీ తగ్గించేందుకు పోలీసులు కొత్త ట్రాఫిక్ ఆంక్షలను   అమలు చేయాలని  నిర్ణయించారు.  ట్రాఫిక్ నిర్వహణ ను మెరుగుపరచేందుకు కేబీఆర్ పార్క్ చుట్టూ ప్రయోగాత్మకంగా వన్‌వే విధానం అమలు చేయాలని భావిస్తున్నట్లు తెలుస్తోంది. పంజాగుట్ట నుంచి జూబ్లీ హిల్స్ చెక్‌పోస్ట్ వైపు వెళ్లే వాహనాలను వన్‌వే మార్గంలో మాత్రమే అనుమతించనున్నారు.

ఈ మార్గంలో ప్రయాణించే వాహనాలు కేబీఆర్ పార్క్, ఎన్‌టీఆర్ ట్రస్ట్ క్యాన్సర్ ఆస్పత్రి, టీఆర్ఎస్ భవన్, రోడ్ నెంబర్ 12, 45, 36 మార్గాల ద్వారా వెళ్లాల్సి ఉంటుంది. ఫిలింనగర్,  రోడ్ నెంబర్ 45 ప్రాంతాల్లో ప్రస్తుతం అమల్లో ఉన్న కొన్ని ట్రాఫిక్ ఆంక్షలను సడలించే అవకాశముంది.

మాదాపూర్ నుంచి రోడ్ నెంబర్ 12 వైపు వచ్చే వాహనాలు జూబ్లీ హిల్స్ చెక్‌పోస్ట్, ఎన్‌టీఆర్ ట్రస్ట్ క్యాన్సర్ ఆస్పత్రి, రోడ్ నెంబర్ 12 మార్గం ద్వారా ప్రయాణించాల్సి ఉంటుంది. పోలీసులు ట్రాఫిక్ ప్రవా హాన్ని అధ్యయనం చేసి, ఈ ట్రయల్ విజయవంతమైతే శాశ్వతంగా అమలు చేసే అవకాశాలు ఉన్నట్లు తెలుస్తోంది.