భారత్ మూడు చమురు నౌకలను సీజ్ చేసింది. ఇంటర్నేషనల్ శాంక్షన్స్ ను ఉల్లంఘించి భారత జలాల్లోకి ప్రవేశించిన మూడు భారీ చమురు ట్యాంకర్లున్న నౌకలను ఇండియన్ కోస్ట్ గార్డ్ అధికారులు సీజ్ చేశారు.  అమెరికా ఆంక్షల జాబితాలో ఉండి, ఇరాన్‌తో సంబంధాలున్న ఈ నౌకలను ముంబై తీరానికి సమీపంలో అదుపులోకి తీసుకుని విచారణ కోసం ముంబై నౌకాశ్రయానికి తరలించారు.

ఈ నౌకలను స్టెల్లార్ రూబీ, ఆస్ఫాల్ట్ స్టార్, అల్ జఫ్జియాగా  గుర్తించారు.   భారత్-అమెరికా సంబంధాలు మెరుగుపడుతున్న తరుణంలో ఈ పరిణామం చోటుచేసుకోవడం గమనార్హం. ఇటీవల రష్యా నుంచి భారత్ చమురు దిగుమతులను తగ్గించుకోవడానికి అంగీకరించిన వెంటనే, అమెరికా భారత వస్తువులపై దిగుమతి సుంకాలను తగ్గించిన సంగతి విదితమే.  అయితే అయితే, ఈ మూడు చమురు ట్యాంకర్లతో తమకు  సంబంధం లేదని ఇరాన్‌కు చెందిన 'నేషనల్ ఇరానియన్ ఆయిల్ కంపెనీ ప్రకటించింది.