బీఆర్‌ఎస్ నాయకుడు, హుజూరాబాద్ ఎమ్మెల్యే పాడి కౌశిక్ రెడ్డికి తెలంగాణ సీఐడీ అధికారులు నోటీసులు అందజేశారు.వ చ్చే నెల 4న హైదరాబాద్‌లోని సీఐడీ కార్యాలయంలో విచారణకు హాజరుకావాలని పేర్కొన్నారు.

 ఈ ఏడాది  జనవరి 29న హుజూరాబాద్ నియోజకవర్గంలోని వీణవంకలో జరిగిన  మినీ మేడారం జాతర సందర్భంగా  కౌశిక్ రెడ్డి పోలీసులతో   వాగ్వాదానికి దిగారు. ఆ సందర్భంగా  కరీంనగర్ పోలీస్ కమిషనర్ గౌస్ ఆలంపై  వివాదాస్పద వ్యాఖ్యలు చేశారు. అప్పట్లో  ఐపీఎస్ ఆఫీసర్స్ అసోసియేషన్ కౌశిక్ రెడ్డి వ్యాఖ్యలపై తీవ్ర అభ్యంతరం వ్యక్తం చేస్తూ క్షమాపణలు కూడా డిమాండ్ చేసింది.  

 కాగా ఆ ఘటనపై అప్పట్లో కౌశిక్ రెడ్డిపై కేసు నమోదైంది. పోలీసుల విధులకు ఆటంకం కలిగించడం, ఉన్నతాధికారులపై వ్యక్తిగత, మతపరమైన దూషణలకు దిగడం వంటి అంశాలపై  నమోదైన కేసును సీఐడీ దర్యాప్తు చేపట్టింది. ఆ కేసులోనే సీఐడీ ఇప్పుడు కౌశిక్ రెడ్డికి నోటీసులు జారీ చేసింది.