తమిళనాడు సీఎం  విజయ్  పాలనలో  తనదైన ప్రత్యేకత చూపుతున్నారు.  ప్రజలతో మమేకమౌతూ, వారి సమస్యలను స్వయంగా ఆలకిస్తూ.. పీపుల్స్ సీఎం ఇమేజ్‌ సొంతం చేసుకుంటున్నారు. ఏదైన సంఘటన జరిగిన వెంటనే ఆయన రియాక్ట్ అవుతున్న తీరు పట్ల నెటిజనులు ఆయనపై ప్రశంసల వర్షం కురిపిస్తున్నారు. అటువంటి సంఘటన తాజాగా చెన్నై సెక్రటేరియట్ వద్ద జరిగింది.  

 నీట్ పేపర్ లీకేజీకి వ్యతిరేకంగా  ప్రముఖ  తేరుకురల్ అరివు  అనే కళాకారుడు చెన్ననై సెక్రటెరియెట్ నిరసనకు దిగారు. అయితే పోలీసులు ఆయన నిరసనను అడ్డుకుని..  ముందస్తు అనుమతి లేకుండా చెన్నైలోని సచివాలయం ప్రాంగణంలోకి వచ్చి   నిరసన తెలిపేందుకు ప్రయత్నించారంటూ  తేరకురల్ అరివును అదుపులోకి తీసుకున్నారు. పోలీసులు చట్టబద్ధంగానే వ్యవహరించారు. అందులో సందేహం లేదు. సెక్రటేరియెట్ వంటి సున్నిత ప్రాంతాలలో అనుమతి లేకుండా నిరసనలు నేరం. ఆ కారణంగానే చెన్నై పోలీసులు అక్కడున్న తమిళనాడు పోలీసులు తక్షణమే స్పందించి ఆయనను అదుపులోకి తీసుకున్నారు.

భద్రతా దృష్ట్యా పోలీసులు చట్టప్రకారమే వ్యవహరించినా..   విద్యావ్యవస్థలోని అన్యాయంపై గళమెత్తిన ఒక  కళాకారుడిని అరెస్ట్ చేయడం ఏంటంటూ నెట్టింట తీవ్ర విమర్శలు వెల్లువెత్తాయి. విషయం సీఎం విజయ్ వరకూ వెళ్లడంతో ఆయన క్షణం ఆలస్యం లేకుండా స్పందించారు.   వివాదం ముదరకుండా..  అరెస్టు చేసిన కళాకారుడిని వెంటనే విడుదల చేయాలని ఆదేశించారు. అక్కడితో ఆగకుండా.. తేరుకురల్ అరివును సచివాలయానికి ఆహ్వానించి  ఆయనతో మాట్లాడారు. 

నీట్ పరీక్షల విషయంలో తన ప్రభుత్వం తీసుకుంటున్న   చర్యలను  అరివుకు వివరించి..  విద్యార్థుల భవిష్యత్తు కోసం ప్రభుత్వం కట్టుబడి ఉందని స్పష్టం చేశారు. విజయ్ తో భేటీ తరువాత  అరివును గౌరవప్రదంగా ఒక మంత్రిని తోడిచ్చి సాగనంపారు.   ప్రజా సమస్యలపై పోరాడే కళాకారుడికి విజయ్ ఇచ్చిన గౌరవం పట్ల నెట్టింట ప్రశంసల వర్షం కురుస్తోంది. 

TVK Government, Therukural Arivu Arrest, NEET Controversy Tamil Nadu, People CM Vijay