నేను అమాయకుడిని- సల్మాన్ఖాన్!
posted on Mar 10, 2016 2:17PM
1998లో జింకలను వేటాడిన కేసులో సల్మాన్ మరోసారి బోనెక్కాడు. జింకలను వేటాడే సమయంలో సల్మాన్ వాడిన ఆయుధాలకు లైసెన్స్ చెల్లిపోయిందన్నది ప్రస్తుత ఆరోపణ. ఈ ఆయుధాలను ముంబై నుంచి సల్మాన్బాబే తనతో తెప్పించుకున్నాడని ఉదయ్ రాఘవన్ అనే వ్యక్తి సాక్ష్యం కూడా ఇచ్చాడు. అయితే సల్మాన్ఖాన్ తనకేమీ తెలియదంటున్నాడు. ఎవరు నమ్మినా నమ్మకపోయినా తాను మాత్రం అమాయకుడినని జోధ్పూర్ న్యాయస్థానం ముందర స్పష్టం చేశాడు. ఈ కేసుని నమోదు చేసిన అటవీశాఖ అధికారులు తనతో బలవంతంగా సంతకాలు చేయించుకున్నారని అంటున్నాడు సల్మాన్. అయితే కోర్టు కూడా ఈ విషయంలో సల్మాన్ పట్ల చాలా ఉదారంగా ఉంది. మీ నిర్దోషిత్వాన్ని నిరూపించుకునేందుకు ఏవన్నా సాక్ష్యాలు ఉంటే తీసుకురమ్మంటూ, కేసుని ఏప్రిల్ 4కి వాయిదా వేసింది.