కర్నాటకలో జరిగిన ఘోర రోడ్డు ప్రమాదంలో ముగ్గురు ఏపీ వాసులు దుర్మరణం పాలయ్యారు. చింతకాలు కోసే కూలీలుగా కర్నాటకకు వెళ్లిన ఏపీవాసులు తిరుగు ప్రయాణంలో ఉండగా  కర్నాటకలోని కోలారు జిల్లా శ్రీనివాసపురం వద్ద వీరు ప్రయాణిస్తున్న వాహనం అదుపు తప్పి బోల్తాపడటంతో ఈ ప్రమాదం జరిగింది.

ఈ దుర్ఘటనలో అన్నమయ్య జిల్లా రామ సముద్రం మండలం పూలకుంటవారి పల్లెకు చెందిన శ్రీనివాసులు, మునెన్ప, వెకటమ్మలు సంఘటనా స్థలంలోనే మరణించారు. మరో 13 మంది తీవ్రంగా గాయపడ్డారు. క్షతగాత్రులను ఆస్పత్రికి తరలించి, ఈ ప్రమాద ఘటనపై పోలీసులు కేసు నమోదు చేసి దర్యాప్తు చేపట్టారు.