ఐపీఎల్ 2026 సీజన్ లో ఆర్సీబీ వరుసగా రెండో విజయాన్ని నమోదు చేసింది. చెన్నైపై ఆదివారం (ఏప్రిల్ 5) జరిగిన మ్యాచ్  లో ఆర్సీబీ అదరగొట్టింది.  మ్యాచ్ ఆద్యంతం సంపూర్ణ ఆధిపత్యం ప్రదర్శించి భారీ విజయాన్ని అందుకుంది.  వరుసగా రెండు విజయాలతో గ్రూప్ లో టాప్ పొజిషన్ కు చేరుకుంది.  ఈ మ్యాచ్ లో  ఆర్సీబీ 43 పరుగుల తేడాతో చైన్నైని చిత్తు చేసింది.  చిన్నస్వామి స్టేడియం వేదికగా జరిగిన ఈ మ్యాచ్ లో టాస్ ఓడి తొలుత బ్యాటింగ్ చేసిన ఆర్సీబీ నిర్ణీత 20 ఓవర్లలో 250 పరుగుల భారీ స్కోరు సాధించింది.

ఐపీఎల్ 2026 సీజన్ లో ఇప్పటి వరకూ ఇదే అత్యధిక స్కోరు.  ఆర్సీబీ బ్యాటర్   టిమ్ డేవిడ్  పాతిక బంతుల్లో  బంతుల్లో 70 నాటౌట్ తో పరుగుల సునామీ సృష్టించాడు. ఈ స్కోరులో మూడు ఫోర్లు, 8 సిక్సర్లు ఉన్నాయంటే టిమ్ డేవిడ్ విధ్వంసం ఏ రీతిలో సాగిందో అర్ధమౌతుంది.  251 పరుగుల విజయ లక్ష్యంతో బ్యాటింగ్ చేపట్టిన చెన్నై సూపర్ కింగ్స్   19.4 ఓవ‌ర్ల‌లో 207 ప‌రుగుల‌కు ఆలౌటైంది. చెన్నై బ్యాటర్లలో   స‌ర్ఫ‌రాజ్ ఖాన్  పాతిక బంతుల్లో 8 ఫోర్లు, 2 సిక్సర్లతో 60 పరుగులు సాధించాడు.  ఇక ఆర్సీబీ బౌలర్లలో భువనేశ్వర్ కుమార్ మూడు వికెట్లు పడగొట్టాడు.