• 'NBK 111' నుంచి అదిరిపోయే అప్డేట్
• భారీ ఫైట్ సీక్వెన్స్‌ లో బాలయ్య విశ్వరూపం 
• దసరాకు థియేటర్లలో మాస్ జాతర

బాక్సాఫీస్ వద్ద "జై బాలయ్య" అనే నినాదం వినిపిస్తే వచ్చే వైబ్రేషన్స్ గురించి ప్రత్యేకంగా చెప్పాల్సిన పనిలేదు. ప్రస్తుతం గొపీచంద్ మలినేని దర్శకత్వంలో నందమూరి బాలకృష్ణ (Nandamuri Balakrishna) నటిస్తున్న కొత్త సినిమా 'NBK 111' గురించి వినిపిస్తున్న అప్డేట్స్ చూస్తుంటే, థియేటర్లలో మరోసారి మాస్ జాతర మొదలవ్వడం ఖాయమనిపిస్తోంది.

హై-వోల్టేజ్ యాక్షన్
ఈ సినిమా షూటింగ్ ఈ నెల 5వ తేదీన అల్యూమినియం ఫ్యాక్టరీలో గ్రాండ్‌గా ప్రారంభమైంది. కేవలం యాక్షన్ మాత్రమే కాకుండా, ప్రేక్షకులను కదిలించే ఎమోషన్ కూడా బ్లెండ్ చేస్తూ ఒక భారీ ఫైట్ సీక్వెన్స్‌ను చిత్రీకరిస్తున్నారు. ముఖ్యంగా ఈ ఫైట్స్ అన్నీ నైట్ ఎఫెక్ట్ లో జరుగుతుండటం విశేషం. గతంలో బాలయ్యకి 'వీరసింహారెడ్డి', 'భగవంత్ కేసరి' వంటి పవర్‌ఫుల్ ఫైట్స్ అందించిన వెంకట్ మాస్టర్ ఈ సినిమాకు కూడా యాక్షన్ కొరియోగ్రఫీ చేస్తున్నారు. ఆయన డిజైన్ చేస్తున్న ఈ యాక్షన్ సీక్వెన్స్ మాస్ ఆడియన్స్‌కు పూనకాలు తెప్పించడం ఖాయం అంటున్నారు.

బాలయ్య గెటప్ - ఒక రహస్యం
బాలయ్య సినిమాల్లో ఆయన గెటప్ సెట్ అయితే 50% సినిమా సక్సెస్ అయినట్లే అని అభిమానులు భావిస్తారు. అందుకే ఈ సినిమాలో ఆయన లుక్ విషయంలో చిత్ర యూనిట్ చాలా జాగ్రత్తలు తీసుకుంటోంది. షూటింగ్ స్పాట్‌లో ఎవరూ ఫోటోలు తీయకుండా కఠినమైన సెక్యూరిటీ ఏర్పాటు చేశారు. ఇటీవల సెట్స్‌లోనే దర్శకుడు గొపీచంద్ మలినేని బర్త్ డే వేడుకలు అర్ధరాత్రి జరిగాయి, కానీ బాలయ్య గెటప్ బయటకు రాకూడదనే ఉద్దేశంతో ఆ ఫోటోలను కూడా యూనిట్ రిలీజ్ చేయలేదు. ఈ సినిమాలో బాలయ్యది ఒకే రోల్ అయినప్పటికీ, అందులో డిఫరెంట్ షేడ్స్ ఉంటాయని సమాచారం.

షూటింగ్ టార్గెట్
బాలకృష్ణ, నయనతార కాంబినేషన్లో వస్తున్న నాలుగవ సినిమా ఇది. వీరిద్దరి కాంబినేషన్‌కు ఇప్పటికే మంచి క్రేజ్ ఉంది. ఈ సినిమా షూటింగ్‌ను సుమారు 120 రోజుల్లో పూర్తి చేసి, వచ్చే దసరా పండుగ కానుకగా విడుదల చేయాలని ప్లాన్ చేస్తున్నారు. షూటింగ్ చాలా వేగంగా జరుగుతోంది. ఫైట్ సీక్వెన్స్ తర్వాత కీలక సన్నివేశాలు షూట్ చేయబోతున్నారు.

యాక్షన్, డైలాగులు, ఎమోషన్.. ఈ మూడు సరైన మోతాదులో ఉంటే బాలయ్య సినిమా రేంజ్ ఎలా ఉంటుందో మనకు తెలుసు. వీరసింహారెడ్డి లాంటి బ్లాక్ బస్టర్ తర్వాత వస్తున్న ఈ చిత్రం కోసం నందమూరి అభిమానూలు ఎంతగానో ఎదురుచూస్తున్నారు. దసరా బరిలో బాలయ్య బాక్సాఫీస్ వద్ద ఎలాంటి ప్రభంజనం సృష్టిస్తారో వేచి చూడాలి.

మరిన్ని ఎక్స్ క్లూజివ్ అప్డేట్స్ కోసం మా 'తెలుగువన్ సినిమా' (TeluguOneCinema) యూట్యూబ్ ఛానెల్‌ను సబ్‌స్క్రైబ్ చేసుకోండి.