ఫిబ్రవరి 9న జేఎన్‌యూలో జరిగిన వివాదాస్పద సమావేశానికి సంబంధించి కన్నయాకుమార్‌ మీద విధించిన సస్పెన్షన్‌ను ఆ సంస్థ ఎత్తివేసింది. దీంతో కన్నయా శుభ్రంగా తరగతులకు హాజరయ్యే అవకాశం లభిస్తుంది. ఈ వివాదానికి సంబంధించిన విశ్వవిద్యాలయం ఒక సంఘాన్ని నియమించడంతో, ఈ సంఘం ఇచ్చే సూచనల ఆధారంగా కన్నయా మీద తదుపరి చర్యలు తీసుకునే అవకాశం ఉంది. కన్నయాతో పాటుగా మరో ఏడుగురి మీద విచారణ జరిపే ఈ సంఘం, వారిని జరిమానా విధించడం మొదలుకొని సంస్థ నుంచి బహిష్కరించడం వరకు ఎలాంటి చర్యనైనా సూచించవచ్చు. అయితే ఇప్పటికే వస్తున్న ఒత్తిడుల నేపథ్యంలో కన్నయా మీద కఠిన చర్యలేవీ తీసుకునే అవకాశం కనిపించడం లేదు. ఒకవేళ అదేకనుక జరిగితే జేఎన్‌యూ మరో రావణకాష్టంగా మారుతుందన్న భయాలు ఎలాగూ ఉన్నాయి. కాబట్టి కన్నయా ఇక మీదట నిర్భయంగా మరో సమావేశాన్ని నిర్వహించవచ్చునేమో!