వైయస్సార్ కాంగ్రెస్ పార్టీ సీనియర్ నేత జూపూడి ప్రభాకర్ పార్టీకి గుడ్ బై చెప్పేశారు. ఈరోజు ఆయన తన రాజీనామా లేఖను ఫ్యాక్స్ ద్వారా పార్టీ అధ్యక్షుడు జగన్మోహన్ రెడ్డికి పంపించారు. అనంతరం మీడియాతో మాట్లాడుతూ వైకాపాలో ఎవరికీ వారు సామంతరాజుల్లా వ్యవహరిస్తుంటారని, అటువంటి వ్యవస్థలో ఇమడలేకనే తను పార్టీ నుండి బయటకు వచ్చేసానని చెప్పారు. తన ఓటమికి ప్రత్యర్ధ పార్టీ కాకా స్వంత పార్టీ నేత వైవీ సుబ్బా రెడ్డే కారణమని ఆయన చెప్పారు. రాజశేఖర్ రెడ్డిపై ఉన్న అభిమానంతో జగన్మోహన్ రెడ్డికి అండగా ఉందామని చేరితే, కొందరి కారణంగా జగన్ తనను దూరం పెట్టారని ఆవేదన వ్యక్తం చేసారు. తన భవిష్య కార్యాచరణ గురించి ఇంకా ఏమీ నిర్ణయించుకోలేదని తెలిపారు.