సాధారణంగా ఎవరైనా చేతులు కాలిన తర్వాతే ఆకులు పట్టుకుంటారు. జూనియర్ ఎన్టీఆర్ పరిస్థితి కూడా ఇప్పుడు అలాగే తయారైంది. నందమూరి వంశంలో తానే నంబర్‌వన్ అనే భ్రమలో ఇంతకాలం వున్న జూనియర్ ఎన్టీఆర్ తెలుగుదేశం పార్టీలో బోలెడంత ప్రాధాన్యత ఆశించాడు. ఆ ప్రాధాన్యత లభించకపోవడంతో ఆ పార్టీకి దూరమయ్యాడు. ఇప్పుడు పార్టీ ఆయన్ని దూరంగా పెట్టింది. దానికితోడు వరస ఫ్లాపులు కూడా జూనియర్ ఎన్టీఆర్ కెరీర్ని కొల్లేరు చేశాయి. ఈ పరిణామాల వల్ల నందమూరి ఫ్యాన్స్ కూడా జూనియర్ ఎన్టీఆర్‌కి క్రమంగా దూరమవుతున్నారు. ఈ ప్రమాదాన్ని గ్రహించిన జూనియర్ ఎన్టీఆర్ తిరిగి ఎన్టీఆర్ అభిమానులకు చేరువయ్యేందుకు ముమ్మర ప్రయత్నాలు మొదలెట్టారు. ఇందులోభాగంగా వైజాగ్‌లో ఎన్టీఆర్ ఫ్యాన్స్ మీట్‌ను ఏర్పాటు చేయబోతున్నట్టు సమాచారం. ఈ సమావేశానికి నందమూరి ఫ్యామిలీ ఫాన్స్‌తో పాటు తెలుగుదేశం యూత్ కేడర్‌ని కూడా ఈ మీట్‌కు ఆయన ఆహ్వానించనున్నాడని సమాచారం. ఈ మీట్‌లో, ఫ్యాన్స్ అందరితో స్వయంగా మాట్లాడి వారిని ఉత్సాహపరిచే సన్నాహాల్లో ఎన్టీఆర్ ఉన్నాడని జూనియర్ ఎన్టీఆర్ సన్నిహితులు చెబుతున్నారు.