పాకిస్థాన్ కు చమురు సంక్షోభం గోరుచుట్టుపై రోకటి పోటులా పరిణమించింది. పశ్చిమాసియాలో నెలకొన్న యుద్ధ వాతావరణం కారణంగా అంతర్జాతీయంగా చమురు ధరలు విపరీతంగా పెరిగిన సంగతి విదితమే. దీంతో పాకిస్థాన్ కు ఆ పెరిగిన భారాన్ని వినియోగదారులకు బదిలీ చేయకతప్పని పరిస్థితి ఏర్పడింది. అసలే తీవ్ర ఆర్థిక సంక్షోభంలో కూరుకుపోయిన పాకిస్థాన్ కు ఈ పరిణామం తలకు మించిన భారంగా మారింది.  

పాక్ ఆర్థిక మంత్రి   మహమ్మద్ ఔరంగజేబ్, పెట్రోలియం శాఖ మంత్రి అలీ పర్వైజ్ మాలిక్ బుధవారం (ఏప్రిల్ 2) రాత్రి  ఏర్పాటు చేసిన మీడియా సమావేశంలో అంతర్జాతీయ ధరల భారాన్ని వినియోగదారులకు బదిలీ చేస్తున్నట్లు ప్రకటించారు.  ఈ భారీ పెంపు కారణంగా లీటర్ హై-స్పీడ్ డీజిల్ ధర ఏకంగా రూ. 184.49 లు  పెరిగి రూ. 520.35కు చేరింది. ఇక పెట్రోల్ ధర అయితే  పెట్రోల్ ధర లీటర్‌కు రూ. 137.23లు పెరిగి రూ. 458.40కు చేరింది. ఇలా ఉండగా నెల రోజుల వ్యవధిలో పాకిస్థాన్ పెట్రో ధరలను పెంచడం ఇది రెండో సారి.  కాగా పెరిగిన ధరలు ఈ నెల మొదటి తేదీ నుంచే అమలులోకి వచ్చాయి.