మేడారం జాతర భక్తుల కోసం  గురువారం (జనవరి 22) నుంచి  హెలికాప్టర్ సేవలు ప్రారంభమయ్యాయి. పడిగాపూర్ వద్ద ఏర్పాటు చేసిన హెలిప్యాడ్ నుంచి 6-7 నిమిషాల పాటు జాతరను విహంగ వీక్షణం చేసే విధంగా జాయ్ రైడ్ ను ఏర్పాటు చేసినట్లు నిర్వాహకులు తెలిపారు.

ఈ జాయ్ రైడ్ ధరను ఒక్కొక్కరికీ నాలుగువేల ఎనిమిది వందల రూపాయలుగా నిర్ణయించారు.  అది కాకుండా హన్మకొండ నుంచి మేడారానికి హెలికాప్టర్ ద్వారా రానుపోను ప్రయాణానికి  35,999 ధర నిర్ణయించారు. గురువారం (జనవరి 22) ప్రారంభమైన ఈ హెలికాప్టర్ సేవలు ఈ నెల 31 వరకు  ఉంటాయి. రోజూ   ఉదయం 8 గంటల నుంచి సాయంత్రం  5:20 గంటల వరకు ఈ రైడ్స్ అందుబాటులో ఉంటాయని నిర్వాహకులు తెలిపారు.