బంగాళాఖాతంలో ఏర్పడిన అల్పపీడన ప్రభావంతో ఆంధ్రప్రదేశ్‌లో  ఫిబ్రవరి 22 నుంచి  రాష్ట్రవ్యాప్తంగా భారీ నుంచి అతిభారీ వర్షాలు కురిసే అవకాశముందని వాతావరణ శాఖ హెచ్చరించింది. ముఖ్యంగా కోస్తా ఆంధ్ర, రాయలసీమ జిల్లాల్లో వర్షాల ప్రభావం ఎక్కువగా ఉండే అవకాశముందని తెలిపింది. 

పలు జిల్లాల్లో తేలికపాటి నుంచి మోస్తరు వర్షాలు కూడా కురిసే అవకాశముందని విశాఖ వాతావరణ కేంద్రం అధికారి జగన్నాథ్ కుమార్ వెల్లడించారు. దక్షిణ కోస్తాలో నాలుగో రోజు వరకు, ఉత్తర కోస్తా జిల్లాల్లో మూడో రోజు వరకు, రాయలసీమ జిల్లాల్లో రెండో రోజు వరకు అల్పపీడన ప్రభావం కొనసాగనున్నట్లు తెలిపారు.