చెత్తకుప్పలో బంగారం లభ్యమైంది. దాదాపు 18 లక్షల రూపాయలు విలువ చేసే బంగారు అభరణాలు ఒక పారిశుద్ధ్య కార్మికురాలికి  చెత్త కుప్పలో దొరికాయి. నిరుపేద అయినా ఆమె తనది కాను సొత్తు కోసం ఏమాత్రం ఆశపడలేదు. పరుల సొమ్ము పాములాంటిదని భావించిన ఆ సొమ్మను ఆమె పోలీసుల సహాయంతో ఆ బంగారు ఆభరణాలను పోగొట్టుకున్న వారికి అందజేసింది.

ఈ సంఘటన తమిళనాడులోని శివగంగలో జరిగింది. పారిశుద్ధ్య కార్మికురాలు సెల్వీకి చెత్తకుప్పలో బంగారు ఆభరణాలు కనిపించడంతో  వెంటనే ఆ సమాచారాన్ని పోలీసులకు తెలియజేసింది. పోలీసుల సాయంతో ఆ అభరణాలను వాటి సొంతదారులకు అందించింది. పిల్లలు పొరపాటున బంగారు ఆభరణాలను చెత్తలో పారేశారని తెలిసింది.  సెల్వీ నిజాయితీకి ఫిదా అయిన ఆ బంగారు ఆభరణాల సొంతదారులు ఆమెకు 20 వేల రూపాయలు నజరానా ఇచ్చారు.