తమ వేతనాలు, సదుపాయాలు, రక్షణ చర్యలు పెంచాలని డిమాండ్ చేస్తూ గ్రేటర్ హైదరాబాద్ మున్సిపల్ కార్పోరేషన్ (జీహెచ్ఎంసీ)కార్మికులు బుధవారం అర్థరాత్రి నుంచి సమ్మెకు దిగారు. ఈసమ్మెలో మలేరియా, రవాణా, పార్కుల విభాగాల కార్మికులు సమ్మెలో పాల్గొంటున్నాయి. కార్మికుల సమ్మెతో నగరంలోని పలు విభాగాల్లో పారిశుద్ధ్య సేవలు నిలిచిపోయాయి. హైదరాబాద్‌లో ఎక్కడ చూసినా చెత్త పేరుకుపోయి ముక్కులు మూసుకుని నడవాల్సి వస్తోంది. జీహెచ్ఎంసీ కార్మికులు తక్షణమే సమ్మెను విరమించాలని, లేకుంటే కఠిన చర్యలు తప్పవని జీహెచ్ఎంసీ కమిషనర్ సోమేష్‌కుమార్ హెచ్చరించారు.